♪ ဖုန်းဒီဇိုင်းကို လိုသလိုပြောင်းလဲနိုင်တဲ့ မော်ဂျူလာစမတ်ဖုန်းအသစ်ကို Motorola မိတ်ဆက် ♫


ဖုန်းဘက်ထရီကိုဖြုတ်ပြီး၊ နောက်ထပ်မော်ဂျူုးအစိတ်အပိုင်းတွေ ထပ်တပ်လို့ရတဲ့ LG G5 ဖုန်းကို မှတ်မိကြမှာပေါ့။ အခုအခါ LG G5 ဖုန်းထက် ဒီဇိုင်းပိုဆန်းတဲ့ မော်ဂျူလာစမတ်ဖုန်း အသစ်တစ်မျိုးကို Motorola က ထပ်မံထုတ်လုပ်လိုက်ပါပြီ။

Motorola ရဲ့ Moto Z ဖုန်းဟာ LG G5 ဖုန်းလို ဘက်ထရီကိုယ်ထည်ကိုဖြုတ်ပြီး၊ နောက်ထပ်မော်ဂျူလာအစိတ်အပိုင်းတစ်ခု ထည့်သုံးရမှာ မဟုတ်ဘဲ၊ ဖုန်းကိုယ်ထည်နောက်မှာပါတဲ့ သံလိုက်အားသုံး ပင် ၁၆ ခုမှာ ပရိုဂျက်တာ၊ စပီကာစတဲ့ နောက်ထပ်ဖုန်းအစိတ်အပိုင်းတစ်ခုကို တပ်ပြီး၊ သုံးစွဲရမှာဖြစ်ပါတယ်။ ဒီ မော်ဂျူးအစိတ်အပိုင်းတွေကို Motorola က Moto Mods လို့ အမည်ပေးထားပါတယ်။

https _blueprint-api-production.s3.amazonaws.com_uploads_card_image_112059_Burton_Mashable_06092016_Lenovo_051
Capture

Moto Z စီးရီးမှာ ရိုးရိုး Moto Z နဲ့ ပိုဈေးကြီးတဲ့ Moto Z Force ဆိုပြီး ဖုန်းမော်ဒယ်နှစ်မျိုး ထွက်ရှိခဲ့တာဖြစ်ပြီး၊ ဒီမော်ဒယ်နှစ်မျိုးလုံးမှာ နောက်ထပ်မော်ဂျူုးအစိတ်အပိုင်းတွေ ထပ်မံတင်ဆင်နိုင်ပါတယ်။

Moto Z ဖုန်းကနေ စပြောရမယ်ဆိုရင်၊ ဒီဖုန်းဟာ ကုမ္ပဏီရဲ့အဆိုအရ “ ကမ္ဘာ့အပါးဆုံးပရီမီယမ်စမတ်ဖုန်း” ဖြစ်ပြီး၊ ၅.၅ လက်မအရွယ်၊ 1440p AMOLED မျက်နှာပြင်၊ Snapdragon 820 ပရိုဆက်ဆာ၊ 4GB RAM နဲ့ ဖုန်းတွင်း storage 32 နဲ့ 64 GB နှစ်မျိုးရရှိမှာပါ။ microSD ကတ်လည်း ထပ်စိုက်နိုင်ပါတယ်။ ကင်မရာမှာတော့ လေဆာအလိုအလျောက်ဆုံချက်ရှာစနစ်နဲ့ OIS ပါဝင်တဲ့ 13MP ကျောကင်မရာနဲ့ 5MP ရှေ့ကင်မရာတို့ ပါရှိပြီး၊ လက်ဗွေရာဆန်ဆာလည်း ပါရှိပါတယ်။ နောက်ထပ်ထူးခြားချက်အနေနဲ့ ဖုန်းကိုယ်ထည်ကို ရေတွေ၊ဆီတွေ မစွန်းထင်းနိုင်တဲ့ သုတ်ဆေးသုတ်ထားပါတယ်။

ဘက်ထရီအနေနဲ့လည်း နာရီ ၃၀ တိတိသုံးနိုင်မယ့် ဘက်ထရီပါဝင်မယ်လို့ ဆိုပါတယ်။ ထူးခြားချက်အနေနဲ့ နားကြပ်အပေါက်ပါဝင်မလာဘဲ၊ ဖုန်းမှာပါတဲ့ USB-C အပေါက်ထဲကို adapter တစ်ခုခံပြီး၊ အရင်နားကြပ်အဟောင်းတွေ ထိုးသုံးရမှာဖြစ်ပါတယ်။

Moto Z Force ဖုန်းမှာတော့ တွေ့နေကျ Gorilla Glass အစား Motorola ရဲ့ နာမည်ကျော် ShatterShield မကွဲမှန်ဒုတိယမျိုးဆက် အသုံးပြုထားပါပြီး၊ ပလတ်စတစ်မှန်ကို အသုံးပြုထားတာကြောင့် လုံးဝမကွဲနိုင်ဘူးလို့ ဆိုပါတယ်။ ဒီ့အပြင် ခြစ်ရာတွေကို ခံနိုင်ရည်ရှိတယ်လို့ သိရပါတယ်။ Moto Z Force ဖုန်းကတော့ ရိုးရိုး Z ဖုန်းထက် အနည်းငယ်ထူပြီး၊ ဘက်ထရီအနေနဲ့လည်း 3500mAh ဘက်ထရီပါဝင်လာပါတယ်။ ဒီ့အပြင် ကင်မရာပိုင်းလည်း ပိုကောင်းသွားပြီး၊ ကျောကင်မရာက 21MP အထိ ဖြစ်သွားတာကို တွေ့ရပါတယ်။

ဒီဖုန်းနှစ်မျိုးလုံးရဲ့ အဓိကထူးခြားချက်ကတော့ “Moto Mods” လို့ ခေါ်တဲ့ မော်ဂျူးအစိတ်အပိုင်းတွေကို ဖုန်းနောက်ကျောရဲ့ သံလိုက်ပင်မှာ တပ်ပြီး သုံးစွဲနိုင်တာဖြစ်ပါတယ်။ ဒီ “Moto Mods” တွေဟာ သူ့အစိတ်အပိုင်းအလိုက်၊ ဖုန်းရဲ့ စွမ်းဆောင်ရည်ကို မြှင့်တင်ပေးသွားမှာဖြစ်ပါတယ်။

https _blueprint-api-production.s3.amazonaws.com_uploads_card_image_112083_Burton_Mashable_06092016_Lenovo_031

မော်ဂျူးတွေမှာတော့ ဖုန်းစပီကာအသံထွက်ကို အဆပေါင်းများစွာပိုကောင်းစေမယ့် JBL ရဲ့ SoundBoost စပီကာမော်ဂျူး ၊  ဖုန်းကို ပရိုဂျက်တာအနေနဲ့ သုံးနိုင်ပြီး၊ ဖုန်းကနေ နံရံမှာ လက်မ ၇၀ (480p) ပုံရိပ်တွေ ထိုးပြနိုင်မယ့် Insta-Share ပရိုဂျက်တာမော်ဂျူး၊ ဘက်ထရီပိုခံမယ့် Power Pack Mod ဘက်ထရီမော်ဂျူး၊ အလှဆင်နိုင်တဲ့ သစ်သားနဲ့ လယ်သာသုံး အရောင်စုံကျောကာဗာမော်ဂျူးစတဲ့ မော်ဂျူးတွေ ပါဝင်ပါတယ်။
စမတ်ဖုန်းဈေးနှုန်းနဲ့ မော်ဂျူးတွေရဲ့ ဈေးနှုန်းကိုတော့ ထုတ်ပြန်ကြေငြာရခြင်းမရှိသေးပါဘူး။

https _blueprint-api-production.s3.amazonaws.com_uploads_card_image_112086_Burton_Mashable_06092016_Lenovo_037


Credit to ==> Digital Times


<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 



www.pyaephyo.com

0 comments:

Post a Comment