♪ MPT ၏ နံပါတ်အဟောင်းမှ နံပါတ်အသစ်သို့ပြောင်းသူများ ၂၀၁၇ ဇူလိုင်အထိ Call Forward အခမဲ့ သုံးနိုင်မည် ဟုဆို ♫


MPT မှ ဖုန်းနံပါတ်အချို့ကိုပြောင်းလဲမည်ဖြစ်ရာ နံပါတ်ဟောင်းမှ နံပါတ်အသစ်သို့ပြောင်းသူများ ၂၀၁၇ ဇူလိုင် အထိ Call Forward အခမဲ့ အသုံးပြုနိုင်မည်ဖြစ်ကြောင်း သိရသည်။

လက်ရှိတွင် ရေနံချောင်းစက်မှုဇုန် အိတ်ချိန်းနယ်မြေအတွင်း အော်တိုတယ်လီဖုန်းများအား ခေတ်မီ အိတ်ချိန်းစက်များနှင့် ပြောင်းလဲမည်ဖြစ်ရာ ယင်းဖုန်းများ အခမဲ့အသုံးပြုနိုင်မည်ဖြစ်သည်။ အဆိုပါနံပါတ် အဟောင်းမှ နံပါတ်အသစ်သို့ ပြောင်းလဲနေစဉ်ကာလအတွင်း MPT ၏ ၀န်ဆောင်မှု Call Forward ကို ၂၀၁၇ ဇူလိုင်လကုန်အထိ အခမဲ့ပေးထားမည်ဖြစ်ကြောင်း မြန်မာ့ဆက်သွယ်ရေးလုပ်ငန်းမှ သိရသည်။ Call Forwarding ၀န်ဆောင်မှုမှာ လက်ခံရရှိသော အ၀င်ခေါ်ဆိုမှုများအား အခြားနံပါတ်တစ်ခုသို့ လွှဲပြောင်းပေးနိုင်သည့် ၀န်ဆောင်မှုဖြစ်သည်။

လက်ခံရရှိသော အ၀င်ခေါ်ဆိုမှုများအား MPT မိုဘိုင်းဖုန်းနှင့် ကြိုးဖုန်းများအပါအ၀င် ပြည်တွင်းဖုန်းနံပါတ်များ အားလုံးသို့ လွှဲပြောင်းပေးနိုင်ပြီး ၀န်ဆောင်မှုမှာ အခမဲ့ဖြစ်သော်လည်း လွှဲပြောင်းခြင်း အတွက် သတ်မှတ်ကျသင့်ငွေများ ပေးချေရမည်ဖြစ်သည်။ လွှဲပြောင်းသူမှာ ဆွေသဟာအသုံးပြုပါက တစ်မိနစ်လျှင် ၂၃ ကျပ်နှုန်း ကျသင့်မည်ဖြစ်ပြီး ရိုးရိုးနှုန်းထားအသုံးပြုပါက တစ်မိနစ်လျှင် ၅၀ ကျပ်၊ အသုံးပြုသူနည်းသည့် အချိန် ည ၁၁ နာရီနောက်ပိုင်းအတွက် ၂၅ ကျပ် ကျသင့်မည်ဖြစ်ကြောင်း၊ ပြည်ပသို့ ဆင်းမ်ကတ်ယူဆောင်သွားမည် ဆိုပါက Call Forwarding ၀န်ဆောင်မှုအား ခေတ္တပိတ်ထားပြီးမှ ယူဆောင်သွားရန် အကြံပြုထားကြောင်း သိရသည်။

ရေနံချောင်းစက်မှုဇုန်အိတ်ချိန်း ဧရိယာအတွင်း လက်ရှိအသုံးပြုနေသော ဖုန်းနံပါတ် ၀၆၀-၃၀××× အား အသစ်ပြောင်းလဲမည့် ဖုန်းနံပါတ် ၀၆၀-၈၈၀-၀××× သို့ ပြောင်းလဲသွားမည်ဖြစ်ကြောင်းနှင့် ဇူလိုင်လ ၁ ရက်နေ့ တွင် ပြောင်းလဲမည်ဖြစ်ကြောင်း ကြေညာထားသည်။

Credit to ==> Internet Journal



<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 



www.pyaephyo.com

0 comments:

Post a Comment