" Update ကြောင့် ဒုက္ခမရောက်ရလေအောင် "


Update ဆိုတာကြီးကို ကွန်ပျူ တာသုံးစွဲသူ လူအတော်များများက ကြားတော့ကြားဖူးတယ်။ ဘာကြီးမှန်း ဟုတ်တိပတ်တိ မသိခဲ့ကြပါဘူး။ နဖူတွေ့ ဒူးတွေ့မကြုံဘူးပဲကိုး။ Windows XP ခေတ်ရောက်မှ service pack 1 တွေ pack 2 တွေ pack 3 တွေ ဆက်တိုက်ထွက်လာပြီး
ပြောင်းသုံးကြတော့မှ ဒါဟာ update ကြီးကိုးဆိုပြီး သဘောပေါက်တာပါ။ အင်တာနက်မရှိတာကလည်း တစ်ကြောင်း ကိုယ်သုံးတဲ့ Windows ကလည်း pirated ဖြစ်နေတာက တစ်ကြောင်းကြောင့် update ဘာမှန်းမသိတာလည်း မဆန်းပါဘူး။

အခုတော့ အင်တာနက်က အမြန်နှုန်းလည်း အသင့်အတင့် အင်တာနက်ဈေးနှုန်းကလည်း မသက်သာတာတောင်ဈေးလွှတ်ကြီးတဲ့အထဲမှာမပါတော့ ကျွန်တော်တို့ ရွှေမြန်မာတွေ အင်တာနက်ကို အတော်ကြီး သုံးလာပြီ။ အင်တာနက်အမြန်နှုန်းသင့်လာတော့ App တွေ (အထူးသဖြင့် မိုဘိုင်း app) တန်ခိုးပြလာပြီ။ ကိုယ်မသိဘဲနောက်ကွယ်ကနေ သူ့ website ကိုချိတ်ပြီး Update ရပါပြီ ဘာညာတွေ လုပ်ကုန်ရော။ အင်တာနက်သုံးခကို data ပမာဏနဲ့ပေးရတာမို့ ရှုပ်ကုန်ရော။ မိုဘိုင်း app တင်ကလို့လား။ ကျွန်တော့် Laptop မှာ ဆိုင်ကတင်ပေးလိုက်တဲ့ Windows ကြီးဆို automatic update on ထားလို့ update တွေ တစ်ခါဆွဲ 500 Mb နဲ့ နှစ်ခါလောက်ထိ လိုက်ပါသေးတယ်။

အိုင်တီဆရာ့ဆရာကြီးများကို ထားပါတော့ ကွန်ပျူ တာကို လက်တင်သုံးတဲ့လူတွေကို update အကြောင်း ကျွန်တော်နည်းနည်းပြောချင်ပါတယ်။ ကွန်ပျူ တာနည်းပညာကို အနည်းအပါး စိတ်ဝင်စားရင်ဖြင့် update ဆိုတဲ့ သဘောကို ရိုးတိုးရိပ်တိပ်တော့ သဘောပေါက်မှာပါ။ Software လို့ခေါ်တဲ့ application တွေဟာ ရေးပြီးလို့ ကောက်သုံးတာနဲ့ တန်းပြီးအဆင်ပြေတာမဟုတ်ပါဘူး။ Hardware အမျိုးမျိုးအပြင် တခြား app အမျိုးမျိုးနဲ့ပါ ထိပ်တိုက်တွေ့တာမို့ ပြဿ နာတွေရှိတတ်ပါတယ်။ ဒါကြောင့် စိတ်မချရခင်မှာ Alpha Version ဆိုပြီးထုတ်ပါတယ်။ အဲဒီအဆင့်မှာတင် အမှားတွေ့ရင်းပြင်ရင်းနဲ့ version နံပါတ်တွေ တဖြည်းဖြည်းမြှင့်တင်လာပါတယ်။ အတော်လေး စိတ်ချလက်ချ သုံးလို့ရလည်းရရော Beta Version လို့ နာမည်တပ်ပါတယ်။

ပြဿ နာစင်သလောက်ရှိပြီဆိုမှ stable version ကို ထုတ်တာပါ။
ဒါကြောင့် software ကုမ္ပဏီက update တွေ တစ်ခုပြီးတစ်ခု ထပ်ထုတ်တဲ့အခါမှာ performance ပိုကောင်းလာတာမျိုးရှိတယ်။ Stability ပိုကောင်းလာတာမျိုးလည်းရှိတယ်။ Security ပိုကောင်းလာတာမျိုးလည်း ရှိနိုင်တယ်။ Feature အသစ်တွေ ထပ်ပိုးပြီး ထည့်ပေးလိုက်တာမျိုးလည်း ရှိနိုင်တယ်။ Update လုပ်ခွင့်ရှိရဲ့သားနဲ့ မလုပ်ရင် ပြဿ နာဟောင်းတွေ မရှင်းနိုင်ဘူး။ လုံခြုံရေးအားနည်းချက်ရှိမယ်။ Feature သစ်တွေ မသုံးနိုင်ဘူး။ အဲဒီထဲမှာ လုံခြုံရေးက အခရာပဲ။ ယိုပေါက်တွေမပိတ်နိုင်ရင် အဲဒီနေရာကနေ ဟက်ကာတွေဖောက်ထွင်းပြီး ၀င်လာနိုင်တယ်။ ဒါ့ကြောင့် Update တရားဝင်လုပ်ခွင့်ရတယ်ဆိုရင် လုပ်သင့်ပါတယ်။ ဒါပေမဲ့ ကျွန်တော်တို့ရဲ့ လက်ရှိအခြေအနေကိုလည်း ကြည့်လိုက်ပါဦး။ သုံးနေတဲ့ software ၇၀ ရာခိုင်နှုန်းလောက်က ခိုးကူးတွေ။ ဒါတောင် open source တွေ၊ freeware တွေ ပေါ်လာပေလို့။ ခိုးကူးဖြစ်တဲ့အတွက် တရားဝင် update လုပ်ခွင့်ဆုံးရှုံးပါတယ်။ စွန့်ပြီးလုပ်ရင်လည်း ပြဿ နာရှိနိုင်ပါတယ်။

ကျွန်တော်တို့သုံးတဲ့ software ထဲမှာ အခမဲ့ရလို့ တရားဝင်သုံးတာက ၃၀ ရာခိုင်နှုန်းလောက်ရှိတော့ တရားဝင် update လုပ်ခွင့်ကလည်း တချို့ရှိနေတယ်။ update လုပ်တိုင်း ကောင်းသလား။ ကိုယ့်ကွန်ပျူ တာ နဲ့အဆင်ပြေပြီး ကောင်းမယ်လို့တော့အမြဲမပြောနိုင်ဘူး။ ဒါပေမဲ့ update ကြောင့် ပြဿ နာနည်းတာက သေချာတယ်။ ဒါကြောင့် တရားဝင် udpate လုပ်ခွင့်ရတဲ့ အခြေအနေမှာ update လုပ်သင့်တယ်။ software အဟောင်းကိုလည်း သိမ်းထားသင့်တယ်။ တစ်ခါတစ်လေကျ အဟောင်းက ပိုပြီးအဆီအငေါ်တည့်တာမျိုး ရှိတတ်ပေသကိုး။ Update လုပ်တဲ့အခါမှာလည်း ဖြစ်နိုင်ရင် မူရင်း site ကပဲ စိတ်ချရတဲ့ update မျိုးကို ယူသင့်တယ်။ မူရင်း website က update ယူဖို့ အဆင်မပြေတဲ့အတွက် Third party site တွေက update ယူရတာမျိုးရှိနိုင်တယ်။ အဲဒီလိုအခြေအနေမျိုးမှာ အန္တရာယ်ရှိနိုင်တယ်ဆိုတာကို သတိပြုရပါမယ်။ update လုပ်ဖို့လိုရင် update အကြောင်း အသေအချာသိအောင်လေ့လာပါ။ မလုပ်မဖြစ်၊ အထူးသဖြင့် လုံခြုံရေးကိစ္စအတွက်ကလွဲပြီး အရေးမပါတဲ့ update တွေကို ရှောင်သင့်ပါတယ်။

လက်ရှိ မြန်မာပြည်က ကွန်ပျူ တာသုံးစွဲသူပရိသတ်ကြီးအတွက် ပြောရရင် update က အန္တရာယ်ရှိတဲ့ဘက်မှာ ပါပါတယ်။ ခိုးကူးတွေက များတာကိုး ခင်ဗျ။ Windows ကြီးအတွက်ဆို သာပြီးတောင် အန္တရာယ်ရှိပါသေးတယ်။ Windows ကိုလည်း အသစ်ထွက်တိုင်း သုံးချင်တဲ့စိတ်ကို ဖျောက်စေချင်တယ်။ လောလောဆယ်မှာ Windows 7 က စိတ်အချရဆုံးဖြစ်ပြီး Windows 8.1 ကလည်း အတော်လေးအထိုင်ငြိမ်နေပါပြီ။ Windows 10 ကတော့ တရားဝင်သုံးတာကလွဲပြီး စောင့်ကြည့်ရမယ့် အခြေအနေရှိပါတယ်။ ဘယ်လိုပဲဖြစ်ဖြစ် automatic update တွေဟာ အန္တရာယ်အရမ်းကြီးပါတယ်။ ဒါကြောင့် သူ့ကို ကျွန်တော်တို့ပိတ်ပါမယ်။ Windows ရဲ့ Control panel ထဲမှာ update ဆိုတာကြီးပါတယ်။ သူ့ထဲကနေ သွားပိတ်လို့ရတယ်။ ဒါပေမဲ့ Group policy ကနေ ပိတ်တာက အသေချာဆုံးပါ။

Group policy Editor က Windows ရဲ့ Education ၊ professional နဲ့ Enterprise edition တွေမှာပါတဲ့ tool ပါ။ ကျွန်တော်တို့ဆီက ကွန်ပျူ တာသမားအများစုဟာ Enterprise (ultimate) edition သုံးတော့ ဒီ tool ပါပါတယ်။ Windows 7 မှာဆိုရင် start ကနေ ဘယ်ကလစ်နှိပ်ပါ။ ပေါ်လာတဲ့ start menu အောက်ခြေမှာ Run box ရှိပါတယ်။ ဖြတ်လမ်းနည်းသုံးချင်ရင် Windows Key နဲ့ R ကို တွဲပြီးနှိပ်ပါ။ Run dialogue box ပေါ်လာပါမယ်။ ပေါ်လာတဲ့ကွက်လပ်ထဲမှာ gpedit.msc လို့ရိုက်ပြီး enter ခေါက်ပါ။ Run box မပါတဲ့ Windows တွေမှာလည်း ဖြတ်လမ်းနည်းသုံးပြီး သွားလို့ရပါတယ်။ ပြီးရင် ပေါ်လာတဲ့အကွက်ထဲက computer configuration > adminstrative template > Windows compoments > Windows updates အတိုင်း အဆင့်ဆင့်ဝင်ပါမယ်။ ပြီးရင် configure automatic updates ကိုရှာပြီး ဘယ်ကလစ်နှစ်ချက်နှိပ်ပါ။

Windows အသစ်တစ်ခုပေါ်လာပါမယ်။ သူ့မှာ ရွေးချယ်ပိုင်ခွင့် သုံးခုရှိပါတယ်။ not configured ၊ enabled နဲ့ disabled တို့ဖြစ်ပါတယ်။ ခိုးကူး Windows သုံးသူများအတွက် စိတ်အချရဆုံးက not configured မှာထားပါ။ တရားဝင် Windows သုံးသူတွေက enabled မှာ ထားနိုင်ပါတယ်။ enabled လို့ရွေးရင်လည်း သူ့မှာ option ငါးခုလောက်ရွေးနိုင်ပါတယ်။ အဲဒီထဲက notify for download and notify for install ကို ရွေးတာက အကောင်းဆုံးပါ။ ပြီးရင် Apply နဲ့ OK ကို နှိပ်သွားပါ။ ခုအချိန်ကစပြီး Windows update download ချမယ်ဆိုလည်း သတိပေးမယ်။ Install လုပ်မယ်ဆိုလည်း သတိပေးပါမယ်။ တရားဝင် Windows သုံးသူအတွက် update ယူ မယူ install လုပ် မလုပ်ဟာ ကိုယ့်ရဲ့လုပ်ပိုင်ခွင့်ဖြစ်သွားပါပြီ။ Pirated Windows သုံးသူအတွက်လည်း not configured ကြောင့် လုံခြုံမှုအများကြီးရနိုင်ပါတယ်။ သိပ်ပြီးသေချာချင်ရင် disabled ကို ရွေးထားလို့လည်း ရပါတယ်။

Windows update ပိတ်ပြီးရင် တခြား application တွေအတွက် automatic update ကိုလည်း ပိတ်ပါမယ်။ ကျွန်တော်တို့အထဲမှာ အနည်းဆုံးတော့ Photoshop တို့ office တို့ ရှိနေတယ်လေ။ အဲဒီကိစ္စအတွက် update freezer ဆိုတဲ့ software ကို သုံးပါမယ်။ www.updatefreezer.com ကနေ download ချပြီး သုံးနိုင်ပါမယ်။ သူက တရားဝင်ကော၊ တရားမ၀င်ကော update တွေကို ယာယီအားဖြင့် ပိတ်ပေးနိုင်ပါတယ်။ ဘယ် application နဲ့ ဘယ် plug-in တွေကို update လုပ်ခွင့် disable လုပ်မလဲဆိုတာကို သူတို့တစ်ခုချင်းနဲ့ဆိုင်တဲ့ option တွေမှာ ကလစ်နှိပ်ပြီး ရွေးနိုင်ပါတယ်။ program နဲ့ plug-in ရှိရှိသမျှအတွက် option အစုံတွေ့ရမှာ မဟုတ်ဘဲ တချို့မှာ disable နဲ့ enable လောက်ပဲတွေ့ရပါမယ်။ တချို့ မှာတော့ automatic ၊ notily only စသည်ဖြင့် option တွေ စုံအောင်တွေ့ရပါမယ်။ update freezer ကို installer အနေနဲ့သာမက portabel version အနေနဲ့လည်း ရနိုင်ပါတယ်။



နောင်စိုး (ထားဝယ်)
NetGuide Journal 



























<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 




www.pyaephyo.com


0 comments:

Post a Comment