ဆရာဝန်အယောင်ဆောင်ကာ ဆေးခန်းဖွင့်လှစ်ထားသူအား အမှုဖွင့် ဖမ်းဆီးစစ်ဆေး



ပန်းတောင်းမြို့နယ် ဇူလိုင်(၃)ရက်နေ့။

ပဲခူးတိုင်းဒေသကြီး ၊ ပြည်ခရိုင်၊ ပန်းတောင်မြို့နယ်တွင်နေအိမ် ငှားရမ်းပြီး ဆေးခန်းဖွင့်ထားသူအား ဇူလိုင်(၃)ရက်နေ့တွင် အမှုဖွင့် ဖမ်းဆီး စစ်ဆေးလျှက်ရှိကြောင်း သိရသည်။

အဆိုပါ ဆရာဝန်ဆိုသူသည် လွန်ခဲ့သော(၃)လပိုင်းခန့်က ပြည်မြို့ ရတနာမာန်အောင်ကွက်သစ်၊ နှင်းဆီလမ်း၊ ရွာဘဲရပ်ကွက်တွင် ဆေးခန်းဖွင့်ထားသည့် အချိန်မှစ၍ ပြည်မှုခင်းသတင်းထောက်များအသင်းမှ ဦးအောင်သန်းထွဠ်၊ ဦးသက်အောင်၊ ကိုလှဝေ၊ ကိုစန်းမင်းမောင်၊ ကိုမင်းဇော်တို့က လိုက်လံစုံစမ်းစဉ် ချေရာပျောက်သွားခဲ့ပြီး ယခုငှာရမ်းနေထိုင်သည့် ဆင်တဲမြောက်ပိုင်း၊ (၁)ရပ်ကွက်၊ ရွာလယ်လမ်းတွင် ထပ်မံ၍ဆေးခန်းဖွင့်ထားကြောင်း သိရသည်။

ထိုသို့ဆေးခန်းဖွင့်ထားသဖြင့် ပြည်မှုခင်းသတင်းထောက်များအသင်းမှ မှုခင်းသတင်းထောက်များသည် ပန်းတောင်းမြို့မရဲစခန်းသို့ သတင်းပေးပို့ခဲ့ရာ ပန်းတောင်မြို့မရဲစခန်းမှူး ဒုရဲမှူးခင်မောင်ကြည်နှင့် နယ်ထိန်းတပ်ဖွဲ့ ဝင်များ၊မြို့နယ်ဆရာဝန်ကြီး ဒေါက်တာကျော်မင်းအုန်းတို့သည် သက်သေဆင်တဲရပ်အုပ်ချုပ်ရေးမှူး ဦးကြည်ဆင့်၊ဆယ်အိမ်မှူး ဦးလှထွန်းတို့နှင့်အတူ ဆင်တဲအုပ်စု/ကျေးရွာမြောက်ပိုင်းနေ ဦးစိုးသန်း ၏နေအိမ်အား ငှားရမ်းပြီး ဆရာဝန်အယောင်ဆောင်ကာဆေးခန်းဖွင့်လှစ်ထားကြောင်း တွေ့ရှိရသဖြင့် စစ်ဆေးခဲ့ရာ ရန်နိုင်လင်း(ခ)အရှရတ်(၂၇)၊ဂျပန်လမ်းကြား၊ကျောင်းကြီးအိုးတန်းရပ်ကွက်၊ ပြည်မြို့နေသူသည် ဆရာဝန်ဖြစ်ကြောင်း အထောက် အထား တစ်စုံတစ်ရာပြသနိုင်ခြင်းမရှိဘဲ ဆရာဝန်အယောင်ဆောင်ကာ ဆေးခန်းဖွင့်
လှစ်ကုသလျှက်ရှိကြောင်း စစ်ဆေးတွေ့ရှိရသည်ဆို၏။

ထို့ကြောင့် ဆရာဝန်ဖြစ်ကြောင်း အထောက်အထား တစ်စုံတစ်ရာပြသနိုင်ခြင်းမရှိဘဲ ဆရာဝန်အယောင်ဆောင်ကာ ဆေးခန်းဖွင့်လှစ်ကုသသူ ရန်နိုင်လင်း(ခ)အရှရတ်အား အရေးယူပေးပါရန် ဒုရဲမှူးခင်မောင်ကြည်မှ တရာလိုပြုလုပ်တိုင်တန်းခဲ့သဖြင့် ပန်းတောင်မြို့မရဲစခန်း(ပ)၂၀၈/၂၀၁၆၊၂၀၁၅ခုနှစ်မြန်မာနိုင်ငံဆေးကောင်စီဥပဒေပုဒ်မ ၅၈ ဖြင့်အမှုရေးဖွင့်ထားရှိကာ အမှုအား ဒုရဲအုပ်ကျော်မင်းဦးမှ လက်ခံစစ်ဆေးလျှက်ရှိကြောင်းသတင်းရရှိသည်။

ပြည့်သဲမောင်(ပြည်)

ပြည်ခရိုင်မှုခင်းနှင့်သတင်းစုံ


0 comments:

Post a Comment