♪ “အနီးမှာရှိသောအန္တရာယ်ပေးနိုင်သည့်စမတ်ဖုန်း” ♫


သက်ရှည်ကျန်းမာရေးအတွက်နည်းမျိုးစုံဖြင့်ဆောင်ရွက်ခြင်းရှိလာပေမယ့် ရောဂါအသစ်အဆန်းများကနဂိုထက်စာလျှင်ပိုမိုပေါများလာခဲ့ပါသည်။ကူးစက်ပျံ့နှံ့မှုသည်လည်း ပြင်းထန်ပါသည်။ကမ္ဘာကြီးကရွာကြီးဖြစ်သွားသောကြောင့် တစ်နေရာမှာဖြစ်ပွားသည့်ရောဂါဆန်းမှာအခြားနိုင်ငံတစ်ခုကိုလျင်မြန်စွာပျံ့နှံ့နိုင်ပါသည်။နိုင်ငံတစ်နိုင်ငံ၏၀င်၊ထွက်ပေါက်ဖြစ်သောနယ်စပ်ဂိတ်ပေါက်များ၊ လေဆိပ်များတွင် ရောဂါရှာဖွေစမ်းသပ်စစ်ဆေးသော၊ကိုယ်အပူချိန် စောင့်ကြည့်သောစက်များကိုတပ်ဆင်၍ ရောဂါများမပျံ့နှံ့အောင်တားဆီး ကြပါသည်။အနေအထိုင်၊အသွားအလာကြောင့် ရောဂါများဖြစ်သလို အစားအသောက်ကြောင့်လည်းရောဂါများဖြစ်ကြပါသည်။ထူးထူးဆန်းဆန်း အစားအသောက်များစားသောက်၍ ဆေးရုံ၊ ဆေးခန်းရောက်ခြင်းမျိုးလည်း ရှိပါသည်။အချို့သောအစားအသောက်များမှာချက်ချင်းအန္တရာယ်မပေးဘဲ ကြာမှသာဒုက္ခဖြစ်ခြင်းပါ။သဘာဝနည်းဖြင့်စိုက်ပျိုးမွေးမြူသည့်အစား အသောက်များရှားပါးလာပြီး၊အာဟာရပြည့်ဝစွာမပါရှိခြင်းတို့ကြောင့်ကင်ဆာကဲ့သို့သောရောဂါများဖြစ်ပွားလာကြပါသည်။အသီးအနှံများ၊အသားငါးများ ဖွံ့ဖွံ့ဖြိုးဖြိုးဖြင့်အထွက်ကောင်းစေဖို့ဓာတ်မြေသြဇာများအလွန်အကျွံသုံးရုံ သာမက၊စားသုံးရန်မသင့်သောအရာများကိုပင်အစားအသောက်များတွင် ထည့်သွင်းလာခဲ့ကြပါသည်။ ပြည်ပမှတင်သွင်းသောအစားအသောက်အချို့ သည် ရောဂါပိုဖြစ်စေနိုင်သောကြောင့်သက်ဆိုင်ရာမှစစ်ဆေးဖမ်းဆီး ဖျက်ဆီး ခြင်းပြုပါသည်။စားသုံးသူများဘက်မှလည်းအစားအသောက်နဲ့ပတ်သက်၍နဂိုထက်သတိပြုဆင်ခြင်လာကြပေမယ့်အများစုမှာ ရွေးချယ်စရာနည်းပါးသော ကြောင့် အဆင်ပြေသလိုဝယ်ယူ၊ချက်ပြုတ်စားသောက်ကြပါသည်။

ရေအရင်းအမြစ်နဲ့ပတ်သက်၍လည်းနေရာအချို့တွင်ပြဿနာနဲ့ရင်ဆိုင်နေကြရပါသည်။သန့်ရှင်းသောရေရရှိဖို့ခက်ခဲလာသောကြောင့် တွေ့သမျှ၊ရသမျှ ရေကိုသာသုံးစွဲကြရပါသည်။ ရေအရင်းအမြစ်များခန်း ခြောက်လာသလို၊ မြစ်ချောင်း အင်းအိုင်ကန်အတွင်းရှိ ရေများညစ်ညမ်းလာသောကြောင့်လည်း လာမည့်နှစ်များတွင်ရေချိုအခက်အခဲပိုမိုကြုံတွေ့နိုင်ကြောင်းကျွမ်းကျင်ပညာရှင်များကခန့်မှန်းမှတ်ချက်ပြုထားကြပါသည်။ရေအရင်းအမြစ်နှင့်ပတ်သက် သောဆွေးနွေးပွဲများကိုလည်းကျင်းပကြရာနိုင်ငံ့ခေါင်းဆောင်များပင် တက်ရောက်ကြပါသည်။သတ္တုတူးဖော်မှုများ၊စက်ရုံ၊အလုပ်ရုံများ ပေါများစွာ တည်ဆောက်ခြင်းသည်အလုပ်အကိုင်အခွင့်အလမ်းအတွက် ကောင်းကျိုး ဖြစ်စေပေမယ့်စည်းကမ်းတကျဆောင်ရွက်ခြင်းမရှိပါကရေထု၊ လေထုကို ညစ်ညမ်းစေပါသည်။အချိန်မပြတ်ရှုရှိုက်ရသောလေသည်ပင်လတ်ဆတ် သန့်ရှင်းမှုနည်းပါးလာသောကြောင့်အချို့သောနိုင်ငံများတွင် လေထုညစ်ညမ်း မှုကြောင့်ဖြစ်ပွားသောရောဂါများကိုခံစားကြရပါသည်။အထူးသဖြင့်အပြင်သို့သွားလာလှုပ်ရှားသည့်အခါမျက်နှာဖုံးများတပ်၍သွားကြရပါသည်။စီးပွားရေး ဈေးကွက်မြင်သူအချို့ကတော့သန့်ရှင်းသောလေကိုထုတ်ပိုးရောင်းချခြင်းပြု ကြပါသည်။ရောဂါဆန်းများကုသဖို့အတွက်နည်းပညာစနစ်များအားပြုရသလို၊နည်းပညာပစ္စည်းများနှင့်စနစ်များကြောင့်လည်းကျန်းမာရေးချို့ယွင်းမှုဖြစ်ကြပါသည်။လူတန်းစားမျိုးစုံသည်နည်းပညာပစ္စည်းများကိုဝယ်ယူသုံးစွဲနိုင်သော ကြောင့်အချိန်အချို့ကိုနည်းပညာကဏ္ဍအတွက်ဖဲ့ပေးလိုက်ရပါသည်။

အချို့သောသူများကတော့အအိပ်၊အစားပျက်သည်အထိနည်းပညာစနစ်များကိုသုံးစွဲကြသောကြောင့် သေဆုံးသည်အထိဖြစ်ကြပါသည်။နည်းပညာပစ္စည်း များတွင်အာရုံစိုက်ရသောကြောင့်လည်းသွေးတိုးခြင်း၊ ခေါင်းမူးခြင်းများကို ခံစားကြရသလို၊ကျီးပေါင်းရောဂါများလည်း ဖြစ်နိုင်ပါသည်။တို့ထိ မျက်နှာပြင် များကိုအာရုံစူးစိုက်ရသောကြောင့်လည်းမျက်စိရောဂါများခံစားရနိုင်ပါသည်။
နည်းပညာစနစ်များ၊ပစ္စည်းများသုံးသည့်အခါထောက်ပံ့ပေးသောလှိုင်းများနဲ့ ပတ်သက်၍လည်း ရောဂါများဖြစ်နိုင်ကြောင်းအချို့သောသူများက မှတ်ချက်ပြု ကြပါသည်။အချို့သူများကတော့အဆိုပါလှိုင်းများသည်အန္တရာယ်မဖြစ်စေနိုင် ကြောင်း ပြောဆိုကြပါသည်။ ဝေဖန်ငြင်းခုံမှုများ၊စိုးရိမ်စရာအနေအထားများ ရှိပေမယ့်လည်းမည်သူမှထိုစနစ်များ၊ပစ္စည်းများကိုမပစ်ပယ်ကြပါဘူး။ညအိပ်သည့်အခါအိပ်ယာအနီး(သို့)မိမိ၏ဘေးနားတွင်ထားရှိဖို့မသင့်ကြောင်းအကြံ ပေးခြင်း များရှိပေမယ့်လည်းအချို့သောသူများကတော့စမတ်ဖုန်းများကို နှိုးစက်အဖြစ်အသုံးပြုကြပါသည်။စမတ်ဖုန်းလှိုင်းရောင်ခြည်များနဲ့ပတ်သက်၍စမ်းသပ်ခြင်းကို ဆောင်ရွက်နေကြရာအမေရိကန်မှအချို့သောကျွမ်းကျင် ပညာရှင်များကbrain tumors ဖြစ်ပွားမှုသည်စမတ်ဖုန်းလှိုင်းရောင်ခြည်နဲ့ ဆက်စပ်ကြောင်းမှတ်ချက်ပြုပါသည်။တစ်ဖက်တွင်လည်းအဆိုပါလေ့လာတွေ့ရှိမှုကိုသေချာအောင်ဆက်လက်လုပ်ဆောင်ဖို့လိုကြောင်းအကြံပြုကြပါသည်။လွှင့်ထုတ်သောလှိုင်းရောင်ခြည်များသည် သေးငယ်သောကြောင့် နောက်ထပ် သောအလားအလာများအတွက် ဆက်လက်လေ့လာရန်လိုအပ်ကြောင်းအချို့ သောပညာရှင်များကမှတ်ချက်ပြုကြပါသည်။Maryland တွင်အခြေပြုသော ကျန်းမာရေးအဖွဲ့အစည်းသည်လှိုင်းရောင်ခြည်များနှင့် ကြွက်များစွာကို စမ်းသပ်မှုပြုခဲ့ပါသည်။၂နှစ်ကြာစမ်းသပ်မှုပြုခဲ့ခြင်းဖြစ်ပြီး၊ နေ့စဉ်၉နာရီကြာ နီးပါးလှိုင်းရောင်ခြည်များကိုထုတ်လွှင့်၍စမ်းသပ်မှုပြုခဲ့ပါသည်။

ထိုအခါ၂ရာခိုင်နှုန်း၊၃ရာခိုင်နှုန်းခန့်သောကြွက်ထီးများတွင်tumors အခြေ အနေကိုတွေ့ရှိခဲ့ခြင်းဖြစ်ပါသည်။ကြွက်မအများစုတွင်တော့အဆိုပါအနေ အထားမျိုးမဖြစ်ပေါ်ပါဘူး။လှိုင်းရောင်ခြည်ကို မြှင့်တင်စမ်းသပ်သည့်အခါ တွင်လည်းကြွက်များသည်ပိုမိုဆိုးရွားသောအနေအထားမျိုးကိုမပြကြပါဘူး။ လှိုင်းနှုန်းကိုနှစ်ဆခန့်မြှင့်တင်ခဲ့သော်လည်းကြက်များသေဆုံးခြင်းမရှိခဲ့ပါဘူး။အဆိုပါရလဒ်သည်ကနဦးစမ်းသပ်ချက်၏အဖြေသာဖြစ်ပြီး၊ နောက်ဆုံး အနေ အထားစမ်းသပ်ချက်မဟုတ်သောကြောင့်အတည်ပြု၍မရသေးပါဘူး။အဆိုပါကျန်းမာရေးဌာနမှအချို့သောပညာရှင်များကအဆိုပါစမ်းသပ်ချက်နဲ့ပတ်သက်၍ ဝေဖန်ကြပါသည်။“ဒီလေ့လာချက်ဟာအခြားသောစမ်းသပ်မှုများနဲ့ တူညီ မှုရှိပါတယ်။ ဖြစ်လာနိုင်သည့် ပြဿနာများအတွက်အရိပ်အမြွက်ပြသည့် သဘောမျိုးပါ”ဟုပညာရှင်တစ်ဦးဖြစ်သူJohn Bucher ကပြောပါသည်။ အဆိုပါစမ်းသပ်လေ့လာမှုသည်အစားအသောက်နှင့်ဆေးဝါးအဖွဲ့အစည်းနဲ့ ပတ်သက်သောNational Toxicology အစီအစဉ်၏အစိတ်အပိုင်းတစ်ခု ဖြစ်ပါ သည်။လှိုင်းရောင်ခြည်ကြောင့်ဖြစ်သော ရောဂါများနဲ့ပတ်သက်၍ လေ့လာ သည့်ခေါင်းစဉ်နဲ့အကျုံးဝင်ပါသည်။“အဆိုပါစမ်းသပ်မှုအစီအစဉ်ဟာ လှိုင်းရောင်ခြည်များကြောင့်ကင်ဆာဖြစ်နိုင်တယ်၊မဖြစ်နိုင်ဘူးဆိုတာအတွက်လည်းအထောက်အကူဖြစ်စေနိုင်ပါတယ်” ဟုAmerican Cancer Society မှchief medical officer ဖြစ်သူDr.Otis Brawley က ပြောပါသည်။“အကယ်၍ ဖုန်းများကကင်ဆာဖြစ်စေနိုင်ခဲ့တယ်ဆိုရင်တောင်၊အခြားသောနေထိုင်မှုပုံစံ များကြောင့်ဖြစ်သည့်ကင်ဆာတွေကပိုများနိုင်ပါတယ်”ဟုသူကပြောပါသေး သည်။

နိုင်ငံ၁၃နိုင်ငံမှလူပေါင်း၁၃,၀၀၀ခန့်ကို လေ့လာစမ်းစစ်မှုပြုထားသည့် သုတေသနတစ်ခုမှာတော့brain tumors နဲ့ပတ်သက်၍မဖြစ်ပွားသလောက် နီးပါးရှိသည် (ရာခိုင်နှုန်းအနည်းငယ်ခန့်သာဖြစ်ပွားသည်)ဟူသော အဖြေ ထွက်ခဲ့ပါသည်။ဓလှိုင်းရောင်ခြည်များနဲ့ပတ်သက်သောကိစ္စသည်ကျွန်တော်တို့အတွက်အရေးကြီးသောကိစ္စတစ်ခုပါပဲ။အနီးဆုံးမှာရှိသောခေါင်းစဉ်ကြီးတစ်ခုပါ”ဟုGeorge Washington UniversityမှGeorge Gray ကပြောပါသည်။ အချို့သောစမတ်ဖုန်းသုံးစွဲသူများကတော့ကြိုတင်ကာကွယ်မှုပြုကြပါသည်။ တစ်နေ့လျှင်အချိန်အနည်းငယ်ခန့်သာစမတ်ဖုန်းဖြင့်ဆက်သွယ်ပြောဆိုခြင်းပြု ကြပါသည်။ရှောင်လွဲဖို့ခက်သူများကတော့နားကြပ်များကိုသုံးကြပါသည်။ နားကြပ်များသုံးခြင်းသည်အချို့သောအနေအထားများအတွက်များစွာ ထောက်ပံ့ ပေးနိုင်ပါသည်။ကားမောင်းစဉ်လိုအပ်မှသာနားကြပ်ဖြင့်ဖုန်းကိုင် သင့်ပါသည်။နားကြပ်များတပ်၍လမ်းကူးခြင်းလည်းမပြုလုပ်သင့်ပါဘူး။ညအိပ်သည့်အခါနားကြပ်တပ်၍ဖုန်းပြောခြင်း၊သီချင်းနားထောင်ခြင်းကိုလည်းဂရုပြုသင့်ပါသည်။အချို့သောသူများကတော့လက်ကိုင်ဖုန်းများကိုခါးတွင်ချိတ်ဆွဲ ခြင်း၊အိတ်ကပ်ထဲထည့်ခြင်းပြုကြပါသည်။ထိုအတွက်လည်းသတိပြုသင့်ပါ သည်။တာဝါတိုင်များနဲ့ပတ်သက်၍လည်းစိုးရိမ်ကြသူများရှိပါသည်။စမတ်ဖုန်း များနဲ့ဆက်စပ်ပတ်သက်သော နောက်ထပ်အန္တရာယ်တစ်ခုမှာ ဖုန်းအားသွင်း ခြင်းဖြစ်ပါသည်။အချို့သောသူများသည်ဖုန်းအားသွင်းနေစဉ်မှာပင်ဖုန်းကို အသုံးပြုတတ်ကြပါသည်။အချို့တွေကတော့သတိလက်လွတ်ဖုန်းအားသွင်းမိ သောကြောင့်မီးလောင်ခြင်းပင်ဖြစ်ပွားကြပါသည်။

အခုနောက်ဆုံးပေါ်Pokemon Go ဂိမ်းကိုဆော့ခြင်းကြောင့်လည်း နိုင်ငံ အများစုတွင်အန္တရာယ်များဖြစ်ပွားနေကြပါသည်။ထို့ကြောင့်စည်းကမ်း ထုတ်ပြန်ချက်များ၊သတိပေးခြင်းများဆောင်ရွက်နေကြရပါသည်။လူကြီးများ သာနည်းပညာပစ္စည်းများ၊စနစ်များ၏သားကောင်ဖြစ်လာခြင်းမဟုတ်ဘဲ ကလေးငယ်များပင်နည်းပညာပစ္စည်းများသုံးခြင်းကိုငယ်စဉ်ကတည်းကပင် စွဲလမ်းနေကြပါသည်။လူကြီးများအတွက်ဆုံးမစရာများပိုလာခဲ့ပါသည်။ စမတ်ဖုန်းများကြောင့် ရောဂါဖြစ်နိုင်ခြေရှိသော်လည်း၊တစ်ဖက်တွင် စမတ်ဖုန်း များဖြင့်ကျန်းမာရေးစောင့်ရှောက်မှုပြုနိုင်ပါသေးသည်။ကျန်းမာရေးအတွက် ဆိုးကျိုးပေးနိုင်သည်ဟုယူဆရသောစမတ်ဖုန်းများမှာကိစ္စအများစုအတွက် အကျိုးရှိခြင်း၊လိုသလိုသုံးစွဲနိုင်ခြင်းတို့ကြောင့်ပစ်ပယ်ဖို့မှာခက်ခဲသော၊မဖြစ်နိုင်သောအနေအထားဖြစ်ပါသည်။

ငြိမ်းချမ်းတိုး

Mobile Guide Journal (Every Monday)
https://www.facebook.com/officialmobileguidejournal




<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 




www.pyaephyo.com

0 comments:

Post a Comment