♪ “Motorola Moto X Force” ♫


ပြည်တွင်းဈေးကွက်အတွင်းမိတ်ဆက်ရောင်းချပေးလာသည့် အမှတ်တံဆိပ် များထဲတွင် Motorola လည်းပါရှိလာပါတယ်။ Motorola ရဲ့ ဖုန်းအချို့ဟာ ဖုန်းတွင်းစွမ်းရည် ကောင်းမွန်ရုံသာ မကဈေးနှုန်းလည်း မြင့်ပါတယ်။

 Moto X Play ဟာဈေးနှုန်းတန်ဖိုး ၄၆၉,၀၀၀ ကျပ်ဝန်းကျင်ရှိပြီး Moto X Style ကတော့ ၇၁၉,၀၀၀ ကျပ်ဝန်းကျင်ရှိပါတယ်။ X Force ဟာ ၈၂၉,၀၀၀ ကျပ် ၀န်းကျင် တန်ဖိုးရှိပါတယ်။ X Force ကို ၂၀၁၅ ခုနှစ် နိုဝင်ဘာလက ထုတ်လုပ် ရောင်းချပေးထားခြင်းဖြစ်ပါတယ်။ ဖုန်းရဲ့ Home Button နှင့် အဓိက ကင်မရာမှန်ဘီလူးတို့ကိုအနောက်ဘက်တွင် လှပသောဒီဇိုင်းဖြင့် ထည့်သွင်း ပေးထားပါတယ်။

ဖုန်းကိုယ်ထည်ဒီဇိုင်းကတော့ လေးထောင့်ကျကျမဟုတ်ဘဲ အ၀န်းအ၀ိုက်များပါရှိပါတယ်။ 2G, 3G, 4G Network အထောက်အပံ့များကို ပေးစွမ်းမယ့်ဖုန်း ဖြစ်ပါတယ်။ ဖုန်းရဲ့အရွယ်အစားပမာဏကတော့ 149.8 × 78 × 9.2 mm ဖြစ်ကာအလေးချိန်မှာ 169g ရှိပါတယ်။ ထည့်သွင်းပေးထား သော ဆင်းကတ်အမျိုးအစားကတော့ Nano Sim ပါ။ ဖုန်းမျက်နှာပြင် အတွက် AMOLED capacitive touchscreen အမျိုးအစားကိုတပ်ဆင်အသုံးပြု ပေးထားပြီး အကျယ်အ၀န်းပမာဏကတော့ 5.4 inches ရှိပါတယ်။

 မြင်ကွင်း စွမ်းရည်အတွက် ထောက်ပံ့ပေးထားသော Pixels ပမာဏကတော့ 1440 × 2560 ဖြစ်ပါတယ်။ တစ်လက်မမှာရှိမယ့် Pixel ပမာဏသိပ်သည်းဆကတော့ 540 ppi ပါ။ ဖုန်းကိုယ်ထည် ကာကွယ်မှုအပိုင်းတွင် Shatterproof ပါရှိပါသေး တယ်။ ကင်မရာစွမ်းရည်ကောင်းမွန်သော ဖုန်းအမျိုးအစားဖြစ်ပါတယ်။ အဓိက ကင်မရာသည် 21 MP, f/2.0 စွမ်းရည်ရှိပြီး Dual LED (Dual Tone) Flash နဲ့ တွဲဖက်အသုံးပြုနိုင်ပါမယ်။ ရှေ့ကင်မရာငယ်ကတော့ 5 MP, f/2.0 စွမ်းရည် ရှိပါတယ်။

ဗီဒီယိုရိုက်ကူးနိုင်မယ့် စွမ်းရည်မှာ 2160 P နှင့် 1080 P ဆိုပြီး နှစ်မျိုးရှိကာ နှုန်းမှာတစ်စက္ကန့်ကို 30 Frames နှုန်း ဖြစ်ပါတယ်။ မှတ်ဥာဏ် ပမာဏအပိုင်းတွင် နှစ်မျိုးနှစ်စားရှိပါတယ်။ 32 နှင့် 64GB ဆိုပြီးကွဲပြားပါ တယ်။ RAM ပမာဏကိုတော့ 3GB ထည့်သွင်းပေးထားပါတယ်။ အချက် အလက် အများအပြားသိမ်းဆည်းနိုင်ဖို့အတွက်လည်းမှတ်ဥာဏ်ပမာဏကို တိုးချဲ့အသုံးပြုနိုင်သောCardslotစနစ် ပါရှိပါသေးတယ်။

GPU အမျိုးအစား ကတော့ Adreno 430 ဖြစ်ပြီးChipset ကိုတော့ Qualcomm Snapdragon 810 အားထည့်သွင်းပေးထားပါတယ်။ Active noise cancellation with dedicated micစနစ်လည်းပါရှိပါသေးတယ်။ အားသွင်းအသုံးပြုရမယ့် ဘက်ထရီအမျိုးအစားကတော့ Li-Ion 3760 mAhဖြစ်ပါတယ်။ 3G Network တွင် စကားပြောဆိုဖို့ ၂၅ နာရီနီးပါးခံနိုင်စွမ်းရှိပါမယ်။ ဘက်ထရီအားသွင်း မြန်ဆန်သောစနစ်လည်းပါရှိပါတယ်။

<Specification>
Network - GSM/HSPA/LTE
Processor - QC 1.5 & QC 2 GHz
Screen - 5.4 inches
Camera - 21 MP
Bluetooth - v4.1
Storage - 32/64 GB
OS - Android OS, v5.1.1
Contact - 01-381035
Mobile Guide Journal (Every Monday)
https://www.facebook.com/officialmobileguidejournal



<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 





www.pyaephyo.com

0 comments:

Post a Comment