♪ Apple ရဲ့ iPhone 7 မှာ နားကြပ်ပေါက်မပါဝင်ဖို့ သေချာနေကြောင်း အခိုင်အမာဆို ♫


ကာလရှည်ထွက်ပေါ်ထားတဲ့ ကောလဟလသတင်းတွေအတိုင်း နောက်ထွက်မယ့် iPhone မျိုးဆက်သစ်မှာ နားကြပ်ပေါက်ကို ထည့်သွင်းထုတ်လုပ်လာတော့မှာ မဟုတ်တော့ဘူးလို့ သိရပါတယ်။ ဒီနေ့ည ၁၁:၃၀ (မြန်မာစံတော်ချိန်) မှာ ပြုလုပ်မယ့် Apple ရဲ့ ဒီနှစ်အတွင်း အကြီးမားဆုံးပွဲမှာ iPhone 7 ကို ထုတ်ဖော်ပြသမှာ ဖြစ်ပါတယ်။

ဒါကြောင့် သတင်းတွေမှာ ကျယ်ကျယ်ပြန့်ပြန့်ထွက်ပေါ်လာတဲ့ ဖော်ပြချက်တွေအရ Apple အကြောင်းခန့်မှန်းတဲ့ KGI ရဲ့ analysis တစ်ယောက်ဖြစ်တဲ့ Ming-Chi Kuo ရဲ့ ပြောဆိုချက်အရ iPhone 7 မှာ “AirPods” လို့ခေါ်တဲ့ ကြိုးမဲ့နားကြပ်စနစ်နဲ့ Lightning connector တို့ ပါဝင်လာမှာ ဖြစ်တယ်လို့ သိရပါတယ်။

iphone-7-rumours2

“ကျွန်တော်တို့အနေနဲ့ Apple ဟာ ဈေးနှုန်းအလယ်အလတ်တန်းစား Bluetooth နားကြပ်တွေကို ဈေးကွက်ထဲကို ထည့်သွင်းလာမှာ ဖြစ်တယ်လို့ သိရပါတယ်၊ ကျွန်တော်တို့အနေနဲ့ Apple မှာ ကိုယ်ပိုင်ဒီဇိုင်းနဲ့ Bluetooth ဆက်သွယ်ရေးစနစ်ထည့်သွင်းလာမှာဖြစ်ပြီး Power ချွေတာရေးစနစ်သစ်တွေ၊ ဆက်သွယ်ရေးစနစ်သစ်တွေနဲ့ ဆန်းသစ်ထားတဲ့ Bluetooth headphone တွေရဲ့ တင်ပို့မှုဟာ ထပ်မံတိုးတက်လာဖွယ်ရှိနေပါတယ်” လို့ Kuo ကဆိုခဲ့တာပါ။

Apple ရဲ့ ကြိုးမဲ့နားကြပ်တွေကို “AirPods” လို့ခေါ်တွင်မှာ ဖြစ်ပြီး Apple ရဲ့ ထပ်မံထုတ်လုပ်မယ့် ထုတ်ကုန်ပစ္စည်း အမျိုးအစားသစ် တစ်မျိုးအဖြစ် ထပ်မံထွက်ပေါ်လာမှာ ဖြစ်ပါတယ်။ Apple ရဲ့ ပွဲကို ဒီနေ့ (ဗုဒ္ဓဟူးနေ့) မနက် ၁၀နာရီ (မြန်မာစံတော်ချိန် ည ၁၁:၃၀) မှာ အမေရိကန်ပြည်ထောင်စု၊ ကယ်လီဖိုးနီးယားမှာရှိတဲ့ ဆန်ဖရန်စစ္စကိုမှာ ပြုလုပ်မှာ ဖြစ်ပါတယ်။


Credit to ==> Digital Times


<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 





www.pyaephyo.com

0 comments:

Post a Comment