♪ “သင့်စမတ်ဖုန်းကိုစမတ်ကျသွားစေမယ့်နည်းပညာတွေ” ♫


<LCD or AMOLED>
Resolution ဟာမျက်နှာပြင်နည်းပညာရဲ့တစ်စိတ်တစ်ဒေသသာ ဖြစ်ပါတယ်။ မျက်နှာပြင်ကိုမောင်းနှင်နေတဲ့နည်းပညာဟာသင့်စမတ်ဖုန်းမျက်နှာပြင်ဘယ်လောက်ကောင်းလဲဆိုတာကို သတ်မှတ်ရာမှာကြီးမားတဲ့အစိတ်အပိုင်းတစ်ခု အဖြစ်ပါဝင်နေပါတယ်။

<LCD>
ဒီနေ့ခေတ်စမတ်ဖုန်းတွေမှာအများဆုံးအသုံးပြုကြတဲ့မျက်နှာပြင်အမျိုးအစားကတော့LCD (Liquid Crystal Display) ဖြစ်ပါတယ်။LCDs တွေဟာ မျက်နှာပြင် တစ်ခုလုံးကိုအလင်းပေးတဲ့Backlight တစ်ခုကိုအသုံးပြုကြပါတယ်။မှောင်မည်းတဲ့ဧရိယာတွေကိုတောင်အလင်းပေးနိုင်ပါတယ်။အဲဒီနောက်မှာLiquid Crystals တွေကိုလိုအပ်သလောက်Pixel တွေကိုအလင်းပေးဖို့ ဒါမှ မဟုတ်အလင်းမပေးဖို့လျှပ်စစ်စီးကြောင်းကနေထိန်းချုပ်ပါတယ်။အလင်းနည်းနည်းပေးမလား၊များများပေး မလားဆိုတာကိုပါထိန်းချုပ်ထားပါတယ်။LCD Display တွေဟာယေဘုယျအားဖြင့်အရောင်တိကျမှုကောင်းမွန်ပြီး တောက်ပ ပါတယ်။ဒါပေမယ့်Backlight ကိုအမြဲတမ်းဖွင့်ထားတဲ့အတွက်မှန်ကန်တဲ့ အနက်ရောင်ကိုဘယ်တော့မှထုတ်လွှင့်ပေးနိုင်ခြင်းမရှိပါဘူး။မှောင်မည်းတဲ့ နေရာတွေမှာအနည်းငယ် အပြာရောင်သန်းနေတတ်ပါတယ်။အချို့LCD Display တွေကိုTFT or IPS အဖြစ်ခွဲခြားထားပါတယ်။TFT ကတော့Pixel တစ်ခုအတွက်Electrode အရေအတွက်ကိုလျှော့ချခြင်းဖြင့်LCD Screen တွေရဲ့ဆက်သွယ်မှုစနစ်ကိုပိုမိုစွမ်းအားပြည့်စေတဲ့Thin Film Transistor ကို ဆိုလိုပါတယ်။IPS ကတော့In Plane Switching ဖြစ်ပြီး၊Screen မှာLiquid Crystals တွေကိုမျဉ်းပြိုင်ပုံစံစီတန်းခြင်းဖြင့်၊ပိုမိုကျယ်တဲ့Viewing Angles ကိုပံ့ပိုးပေးခြင်းဖြင့်TFT ထက်ပိုမိုကောင်းမွန်စေပါတယ်။


<Super LCD>
HTC ကသူ့ရဲ့စွမ်းဆောင်ရည်မြင့်HTC One ဖုန်းတွေမှာSuper LCDs ကို အသုံးပြုထားပါတယ်။သာမန်စံနှုန်းLCD Display တွေမှာအပြင်ဘက် ဖန်မျက်နှာပြင်နဲ့ပုံရိပ်ထုတ်လွှင့်ပေးတဲ့ကိရိယာကြားမှာလေဟာနယ်တစ်ခုရှိ နေပါတယ်။ဒါပေမယ့်Super LCD မှာတော့မျက်နှာပြင်ကိုပိုမိုတောက်ပ စေဖို့၊ မျက်စိကျိန်းလောက်အောင်တောက်ပမှုကိုလျှော့ချဖို့နဲ့စွမ်းအင်သက်သာစေဖို့အဲဒီလေဟာနယ်ကိုဖယ်ရှား ထားပါတယ်။

<Quantum IPS LCD>
LG G4 မှာQuantum IPS LCD လို့ခေါ်တဲ့LCD နည်းပညာအသစ်တစ်ခုကို အသုံးပြုထားပါတယ်။အဲဒီနည်းပညာဟာအခြေခံအားဖြင့်စွမ်းဆောင်ရည်မြင့် TV အချို့မှာတွေ့ရတဲ့Quantum Dot LCD နည်းပညာနဲ့ဆင်တူပါတယ်။ အဲဒီTV တွေမှာBlue LED Backlight နဲ့အနီ၊အစိမ်းရောင်တွေကိုပိုမို ကျယ်ပြန့် ပြီးထင်ရှားတဲ့ရောင်စုံတွေအဖြစ်ဖန်တီးဖို့Film or Tube Layer တစ်ခုကို အသုံးပြုထားပါတယ်။Quantum Dot Screens တွေဟာပိုကြီးတဲ့ ဘေးဘောင် တစ်ခုလိုအပ်ခြင်းသာမကဘဲပိုထူတဲ့Panel လိုအပ်တာကြောင့်စမတ်ဖုန်း တွေနဲ့ မသင့်တော်ပါဘူး။LG ရဲ့အဖြေကBlue နဲ့White LED Backlight နှစ်ခုစလုံး ကိုအသုံးပြုဖို့နဲ့Tube or Film Layer အစားPotassium နဲ့Nitrogen အခြေပြု Compounds များနဲ့Blue LED တို့ကိုပေါင်းစပ်ပြီးအနီနဲ့ အစိမ်းရောင် များကို ရရှိစေဖို့ ဖြစ်ပါတယ်။ရလဒ်ကတော့သမားရိုးကျLCD Display တွေထက် ၂၅ရာခိုင်နှုန်းပိုမိုတောက်ပပြီးထူထဲမှုမရှိဘဲQuantum Dot နည်းပညာရဲ့ အရောင်နဲ့ထင်ရှားမှုကိုပိုမိုတိုးတက်စေခဲ့ပါတယ်။

<AMOLED>
AMOLED ရဲ့အရှည်ကတော့Active Matrix Organic Light-Emitting Diode ဖြစ်ပါတယ်။Backlight တစ်ခုထက်ပိုပြီးAMOLED Display များမှာ သီးခြား ထိန်းချုပ်တဲ့Organic-LED အလင်းအရင်းအမြစ်တွေသန်းနဲ့ချီပြီးအသုံးပြုထား ပါတယ်။LED Pixel တစ်ခုစီရဲ့တောက်ပမှုကိုTransistor ရဲ့Gate Voltage ကနေ ထိန်းညှိနိုင်တဲ့Backplane Transistor ကနေတစ်ဆင့်ထောက်ပံ့ထား တဲ့လျှပ်စစ်စီးကြောင်းကထိန်းချုပ်ပါတယ်။နာမည်ရဲ့AM အစိတ်အပိုင်းက Active-Matrix ဖြစ်ပြီး၊LED Pixel တိုင်းကိုထိန်းချုပ်ဖို့အသုံးပြုတဲ့Switching Transistor နည်းပညာလို့ရည်ညွှန်းပါတယ်။AMOLED Display တွေဟာ အလွန်တိကျတဲ့အရောင်တွေကိုပံ့ပိုးထားပေးနိုင်ပြီးသီးခြားPixel များကို အရောင်မှိန်စေခြင်းဖြင့်၊မှန်ကန်တဲ့အနက်ရောင်များနှင့်တကွပိုမိုကျယ်တဲ့ Contrast Ratio ကိုပံ့ပိုးပေးခြင်းဖြင့်LCD Displays တွေထက်အားသာချက် တစ်ခုကိုလည်းရရှိစေပါတယ်။ဒါဟာဘက်ထရီသက်တမ်းကိုလည်းသက်သာ စေပါတယ်။ဒါပေမယ့် လည်း မြင့်မားတဲ့အရောင်တောက်ပမှုအတွက် စွမ်းအင် အမြင့်ဆုံးအသုံးပြုမှုဟာLCD Display တွေထက်ပိုမိုမြင့်မားပြီးAMOLED Display တွေဟာမျက်နှာပြင်လောင်ကျွမ်းမှုနဲ့မျက်နှာပြင်အစိတ်အပိုင်း အချို့ မှာအရောင်ပျောက်ဆုံးမှုကို ဖြစ်စေတဲ့Organic-LED Degradation နဲ့အတူ ပြဿနာများစွာကို ဖြစ်စေပါတယ်။

<SUPER AMOLED>
Super AMOLED ဟာPixel များရဲ့ထိပ်မှာသီးခြားအလွှာတစ်ခုအစား မျက်နှာပြင် မှာရုပ်ပုံနဲ့စာသားတွေကိုဒစ်ဂျစ်တယ်အဖြစ်ပြောင်းပေးတဲ့Touch Digitizer ကိုထည့်သွင်းတပ်ဆင်ထားတဲ့Samsung အသုံးပြုတဲ့နည်းပညာ တစ်ခုဖြစ်ပါတယ်။အဲဒီအတွက်အလင်းပြန်မှုနည်းပါးစေခြင်းနဲ့အရောင် တောက်ပမှုအမြင့်ဆုံးအနေအထား ကိုအနည်းငယ်တိုးတက်စေခြင်းစတဲ့အကျိုးကျေးဇူးတွေရရှိစေပါတယ်။

<Wireless Charging ဆိုတာဘာလဲ>
လွန်ခဲ့တဲ့နှစ်ပေါင်းသုံးဆယ်တုန်းကတော့Wireless Telephone တွေကိုမကြား ဖူး ကြပါဘူး။အခုတော့အချို့စမတ်ဖုန်းတွေဟာအားသွင်းဖို့ကြိုးတောင် မလိုတော့ပါဘူး။Palm က၂၀၀၉ခုနှစ်မှာTouchstone Wireless Charging Dock နဲ့အတူကြိုးမဲ့အားသွင်းခြင်းကိုစီးပွားဖြစ်စတင်မိတ်ဆက်ခဲ့တဲ့ပထမဆုံး ကုမ္ပဏီဖြစ်ပါတယ်။အဲဒီနောက်မှာတော့Microsoft Lumia 930 ကနေ Samsung Galaxy S6 အထိရာပေါင်းများစွာသောDevice တွေမှာကြိုးမဲ့ အားသွင်းစွမ်းရည်များနဲ့ဈေးကွက်ကိုရောက်ရှိလာပါတယ်။ဒီနေ့ခေတ်မှာ အဓိကအသုံးပြုကြတဲ့ကြိုးမဲ့အားသွင်းနည်းပညာနှစ်မျိုးရှိပါတယ်။Inductive နဲ့Resonance တို့ဖြစ်ပါတယ်။

<Inductive Charging>
Electromagnetic Inductive Charging ကCharging Base or Plate နဲ့ Device အရာဝတ္ထုနှစ်ခုကြားမှာစွမ်းအင်တွေကိုပြောင်းရွှေ့ဖို့ အတွက် လျှပ်စစ်သံလိုက်လှိုင်းတွေကိုအသုံးပြုပါတယ်။Charging Plate ကို ပလတ် ပေါက်နဲ့ချိတ်ဆက်ထားပြီးအတွင်းထဲမှာဝိုင်ယာကြိုးတွေကိုခွေထားပါတယ်။ လျှပ်စစ်မီးကြောင်းက၀ိုင်ယာကို ဖြတ်သန်းစီးဆင်းတဲ့အခါတိုင်းမှာ သေးငယ် တဲ့သံလိုက်လှိုင်းကိုဝိုင်ယာနားမှာဖန်တီးလိုက်ပါတယ်။ဝိုင်ယာတွေကိုအကြိမ် များစွာခွေထားခြင်းကသံလိုက်လှိုင်းကို ဖြစ်စေပါတယ်။အပတ်ရေများလေ လေသံလိုက်စက်ကွင်းက ကြီးလေလေဖြစ်ပါတယ်။အားသွင်းမယ့်စမတ်ဖုန်းမှာလည်းအတွင်းထဲမှာသေးငယ်တဲ့ဝိုင်ယာကြိုးခွေပါရှိပါ တယ်။အဲဒီဝိုင်ယာဟာ Charging Plate ကထုတ်လွှင့်တဲ့သံလိုက်စက်ကွင်းထဲမှာရှိနေရင် လျှပ်စစ် စွမ်းအင်ကိုဝိုင်ယာကရရှိပါတယ်။ရရှိတဲ့လျှပ်စစ်စွမ်းအင်အားဖုန်းရဲ့ဘက်ထရီကိုအားသွင်းပေးနိုင်သည့် တည်ငြိမ်တဲ့စွမ်းအင်တစ်ခုထုတ်လုပ်ဖို့ရိုးရှင်းတဲ့ အီလက်ထရစ်အစိတ်အပိုင်းများကိုအသုံးပြုခြင်းဖြင့်အသွင်ပြောင်းလိုက်ပါ တယ်။Inductive Charging ရဲ့ကန့်သတ်ချက်ကတော့သံလိုက်စက်ကွင်း အရွယ်သေးတဲ့အတွက်စွမ်းအင်ထုတ်လွှင့်တဲ့Coil နဲ့ရယူတဲ့Coil တို့ဟာ အလွန် နီးကပ်နေရမှာဖြစ်ပါတယ်။ဒီနေ့ခေတ်ကြိုးမဲ့အားသွင်းစနစ်ပါတဲ့စမတ်ဖုန်း အများစုဟာInductive Charging ကိုအသုံးပြုကြပါတယ်။

<Resonance Charging>
2007 ခုနှစ်မှာMIT မှအဖွဲ့တစ်ဖွဲ့ကမီတာအနည်းငယ်အကွာအဝေးအတွင်း မှCoil တွေကြားမှာစွမ်းအင်ကြိုးမဲ့ကူးပြောင်းသည့်ထိရောက်တဲ့ နည်းလမ်း ကိုရှာဖွေတွေ့ရှိပြီလို့ကြေညာပါတယ်။အဖွဲ့ကညီမျှခြင်းထဲမှာResonance ကိုထည့်ခြင်းဖြင့်ကွိုင်တွေကြားမှအကွာအဝေးကိုတိုးချဲ့နိုင်တယ်လို့သီအိုရီ ထုတ်ခဲ့ကြပါတယ်။Resonance ကိုသီးခြားအရာဝတ္ထုတစ်ခုအားသဘာဝ အတိုင်းတုန်ခါစေတဲ့သီးခြားFrequency အဖြစ်မှတ်ယူနိုင်ပါတယ်။Resonant Frequency ဟာသီးခြားFrequency တစ်ခုကိုဝိုင်ဖန်ခွက်နားမှာထုတ်လွှင့်တဲ့ အခါမှာဖန်ခွက်ကိုကွဲအက်စေပါတယ်။Resonance ကဖန်ခွက်ကိုတုန်ခါစေပြီး ကွဲအက်စေတာပါ။MITအဖွဲ့ကတူညီတဲ့Resonant Frequency ကိုအားသွင်းတဲ့ ကွိုင်နဲ့အားလက်ခံရယူတဲ့ကွိုင်တို့ကမျှဝေကြတယ်ဆိုရင်အားသွင်းခြင်း ဖြစ်ပေါ်နိုင်တယ်ဆိုတာရှာဖွေတွေ့ ရှိခဲ့တာဖြစ်ပါတယ်။အဲဒီနည်းစနစ်ကို အသုံးပြုပြီးသူတို့ဟာအားပံ့ပိုးတဲ့ကွိုင်ကနေ၂မီတာအကွာအဝေးမှာရှိတဲ့မီးသီးကိုစွမ်းအင်အောင်မြင်စွာ ပံ့ပိုးပေးနိုင်ခဲ့ပါတယ်။စမတ်ဖုန်းမှResonance Charging ကလည်းဒီနည်းလမ်းကိုပဲအသုံးပြုတာဖြစ်ပြီး၊ကြိုးမဲ့အားသွင်းတဲ့ အကွာအဝေးကိုတိုးချဲ့နိုင်ခဲ့ပါတယ်။ဒါ့အပြင်Charging Plate တွေကလည်း စားပွဲနဲ့အခြားအရာဝတ္ထုတွေကို ဖြတ်သန်းအလုပ်လုပ်စေပါတယ်။ အကွာ အဝေးတိုးချဲ့နိုင်တဲ့အတွက်တူညီတဲ့Resonant Frequency ကိုသာမျှဝေ အသုံးပြုကြရင်တစ်ချိန်တည်းမှာပဲDevice များစွာကိုအားသွင်းနိုင်လာပါတယ်။ Resonance Charging ဟာနည်းပညာအသစ်တစ်ခုဖြစ်ပေမယ့်နောင်လာမယ့် နှစ်အနည်းငယ်အတွင်းမှာInductive Charging ကိုအနိုင်ယူဖို့မျှော်လင့်ရပါ တယ်။

<VERSUS>
ယခုဖော်ပြလိုက်တဲ့စမတ်ဖုန်း၂မျိုးလုံးကိုHuawei အနေနဲ့ရောင်းချနေပြီ ဖြစ်ပါတယ်။တစ်ရှိန်ထိုးတိုးတက်လာတဲ့ခေတ်ကြီးမှာဆက်သွယ်ရေးကဏ္ဍဟာလည်း အလွန်အရေးပါလာပါတယ်။ဆက်သွယ်ရေးအမျိုးအစားတစ်ခုဖြစ်တဲ့ တယ်လီကွန်းကဏ္ဍဟာပိုပြီးတော့အရေးပါလာပါတယ်။စမတ်ဖုန်းတွေကို ထုတ်လုပ်ရောင်းချလျက်ရှိတဲ့ကုမ္ပဏီတွေထဲကတစ်ခုဖြစ်တဲ့Huawei ဟာ လူတန်းစားမရွေးအသုံးပြုနိုင်တဲ့စမတ်ဖုန်းတွေကို ရောင်းချလျက် ရှိပါတယ်။ ဇူလိုင်လအတွင်းမှာတော့လူငယ်များအထူးနှစ်ခြိုက်စေမယ့်mid-end အမျိုး အစားစမတ်ဖုန်းများဖြစ်တဲ့GR5 mini နှင့်Y6II တို့ကိုစတင်ရောင်းချခဲ့ပါတယ်။ စမတ်ဖုန်းနှစ်လုံးရဲ့အသေးစိတ်အချက်အလက်တွေကိုနှိုင်းယှဉ်လေ့လာကြည့်ရအောင်။

<GR5>
<Memory>
Huawei GR5 mini နဲ့Y6II နှစ်မျိုးလုံးမှာDDR3 RAM, 933MHz အမြန်နှုန်း ရှိတဲ့2GB RAM နဲ့အတူ16GB eMMc ROM ကိုထည့်သွင်းအသုံးပြုထားပါ တယ်။Internal Memory 16GB နဲ့မလုံလောက်ခဲ့ရင်လည်းအများဆုံး128GB ပမာဏရှိတဲ့micro-SD ကတ်ကိုစိုက်ပြီးအသုံးပြုနိုင်ပါတယ်။GR5 mini နဲ့Y6II နှစ်မျိုးလုံးမှာGoogle က နောက်ဆုံးထွက်ရှိထားတဲ့Android 6.0 နဲ့Huawei မူပိုင်EMUI 4.1 တို့ကိုထည့်သွင်းအသုံးပြုထားတဲ့အတွက်အသုံးပြုရတာ အလွန် လွယ်ကူပါတယ်။

<Screen and Body>
GR5 miniရဲ့အရှေ့ဘက်မျက်နှာပြင်မှာ5.2" FHD (1920×1080) resolution ရှိပြီး424ppi ရှိတဲ့အတွက်မျက်နှာပြင်ပေါ်မှာ ဖော်ပြပေးသမျှအရာ အားလုံးမှာ အရောင်အသွေးတောက်ပပြီးကြည်လင် ပြတ်သားမှုအပြည့်ရှိပါတယ်။GR5 ကဲ့သို့ပင်သတ္တုကိုယ်ထည်နဲ့ဖွဲ့စည်းထားပါတယ်။ကွဲပြားချက်တစ်ခုကတော့ GR5 mini ရဲ့ ထောင့်ချိုးလေးတွေမှာGR5 လို ထောင့်ချိုးမကျဘဲလုံးဝန်းတဲ့ ပုံသဏ္ဌာန်နဲ့တည်ဆောက်ထားခြင်းပဲဖြစ်ပါတယ်။

<Camera Feature>
GR5 miniမှာအလင်းဝင်ပေါက်F2.0 နဲ့7cm micro view တို့ရိုက်ကူးနိုင်တဲ့13 megapixel ကင်မရာကိုထည့်သွင်းအသုံးပြုထားပါတယ်။BSI sensor နဲ့ အတူImage Smart Engine 2.0 ကိုအသုံးပြုထားပါသေးတယ်။ အရှေ့ ကင်မရာ မှာလည်းအလင်းဝင်ပေါက်F2.0 နဲ့၇၇°wide angle lens တို့ ပေါင်းစပ်ထားတဲ့8MP ကင်မရာဟာHD ဗီဒီယိုရိုက်ကူးရေးတွေကို ပြုလုပ်နိုင် မှာဖြစ်ပြီးပုံရိပ်တွေကိုလည်းအရောင်တောက်ပစွာရိုက်ကူးပေးနိုင်မှာဖြစ်ပါ တယ်။

<Hardware>
Huaweiရဲ့chipset အသစ်Kirin 650 ကိုအသုံးပြုထားပါတယ်။16nm FF+ နည်းပညာနဲ့ဖွဲ့စည်းတည်ဆောက်ထားပါတယ်။ဂိမ်းများနဲ့3D app များကို ကောင်းမွန်စွာအသုံးပြုနိုင်ဖို့အတွက်Mali-T830 GPU ကိုတပ်ဆင်ပေးထား ပါတယ်။စမတ်ဖုန်းတစ်လုံးရဲ့အာရုံခံကိရိယာလုပ်ဆောင်ချက်များကိုCPU အသုံးပြုမှုမလိုအပ်ဘဲi5 co-processor တစ်လုံးနဲ့သာလုပ်ဆောင်သွားနိုင် တာကြောင့်လုပ်ဆောင်ချက်အလွန်လျင်မြန်ပြီးပါဝါသုံးစွဲမှုကိုလျော့ကျစေပါ တယ်။
<Battery & Storage>
GR5 mini မှာ3000mAh ပမာဏရှိတဲ့ဘက်ထရီကိုအသုံးပြုထားတဲ့ အပြင် ပါဝါစားသက်သာတဲ့16nm CPU, i5 coprocessor, Android 6.0 နဲ့စွမ်းအင် ချွေတာရေးနည်းပညာတို့နဲ့ ပေါင်းစပ်အသုံးပြုထားတာကြောင့် ဘက်ထရီ အပြည့်အားသွင်းထားရင်အများဆုံး(၂)ရက်အထိအသုံးခံပါတယ်။Android 6.0 နဲ့Huawei မူပိုင်EMUI 4.1 တို့ကိုထည့်သွင်းအသုံးပြုထားတဲ့အတွက်အသုံးပြု ရတာ အလွန်လွယ်ကူပါတယ်။EMUI 4.1 မှာ မြန်မာစာ(ဇော်ဂျီနဲ့ယူနီကုတ်)တို့ကိုလည်းအဆင်ပြေစွာပြောင်းလဲသုံးစွဲနိုင်မှာဖြစ်ပါတယ်။
<Y6II>

<Fingerprint>
GR5 mini မှာမျိုးဆက်သစ်လက်ဗွေရာစနစ်နည်းပညာကိုအသုံးပြုထားတာ ကြောင့်ပထမမျိုးဆက်ထက်၁၀၀% ပိုမိုမြန်ဆန်လာမှာ ဖြစ်ပြီးဖုန်းလော့ ကိုဝ.၅စက္ကန့်အတွင်းဖွင့်ပေးနိုင်မှာဖြစ်ပါတယ်။ဒါ့အပြင်မိမိလက်ခြောက်သွေ့ နေချိန်ဖြစ်စေ၊စိုစွတ်နေ ချိန်ဖြစ်စေ၊လက်ဗွေရာ ပြတ်ရှနေချိန်ဖြစ်စေ ၃၆၀° ဘက်ပေါင်းစုံကနေလက်တင်လိုက်ရုံနဲ့ လော့ဖွင့်ပေးနိုင်မှာဖြစ်ပါတယ်။ ဓာတ်ပုံများကြည့်ရှုနေချိန်မှာfingerprint sensor ပေါ်မှာဘယ်ညာပွတ်ဆွဲ လိုက်ပြီးဓာတ်ပုံများကိုတစ်ပုံကနေတစ်ပုံကို ရွှေ့ပြောင်းကြည့်ရှုနိုင်ခြင်းစတဲ့ လက်ဗွေရာလုပ်ဆောင်ချက်များစွာပါဝင်ပါတယ်။

<Screen and Body>
မျက်နှာပြင်ကို5.5" HD (1280×720) resolution ရှိတဲ့မျက်နှာပြင် တပ်ဆင် ထားတာကြောင့်ဂိမ်း၊ဓာတ်ပုံနဲ့ဗီဒီယိုတွေကိုကြီးမားတဲ့မျက်နှာပြင်ပေါ်မှာ အားရကျေနပ်စွာကြည့်ရှု၊ကစားနိုင်မှာဖြစ်ပါတယ်။Y6II ကိုယ်ထည်ကိုY6 pro ကဲ့သို့ပင်အရည်အသွေး မြင့်3D wave ဒီဇိုင်းနဲ့ပုံဖော်ထားတဲ့အပြင် ဖုန်းဘေး ဘောင်ကိုလည်း ပြောင်လက်တောက်ပတဲ့သတ္တုဘောင်ဒီဇိုင်းနဲ့ဖွဲ့စည်း ထားပါတယ်။

<Camera Feature>
Y6IIမှာလည်းGR5 mini ကဲ့သို့13MP BSI ကင်မရာကိုအသုံးပြုထားပြီး အလင်းဝင်ပေါက်F2.0 ပါဝင်တာကြောင့်အလင်းနည်းတဲ့ပတ်ဝန်းကျင်မှာ ရုပ်ထွက်ကောင်းမွန်စွာရိုက်ကူးနိုင်ပြီးကင်မရာမှာ28mm wide angle ရှိတာကြောင့် မြင်ကွင်းကျယ်ပုံရိပ်တွေရိုက်ကူးရာမှာအလွန်ကောင်းမွန် ပါတယ်။ဖုန်းအရှေ့ဘက်မှာလည်းအလင်းဝင်ပေါက်F2.0 ပါဝင်တဲ့8 megapixel ကင်မရာကိုတပ်ဆင်အသုံးပြုထားပါတယ်။

<Hardware>
Y6II ကိုY6 နဲ့Y6 pro တို့မှာအသုံးပြုထားတဲ့စွမ်းဆောင်ရည်ပိုမိုမြင့်မားတဲ့ Huawei ကိုယ်ပိုင်chipset Kirin 620 ကိုအသုံးပြုထားပါတယ်။Kirin 620 မှာ 64bit Octa-core 1.2GHz CPU နဲ့Mali-450 MP4 GPU တို့ကိုအသုံးပြုထား တာကြောင့်စက်ပိုင်းဆိုင်ရာမှာသာမကရုပ်ထွက်ပိုင်းဆိုင်ရာလုပ်ဆောင် ချက်တွေမှာ ကောင်းမွန်လှပါတယ်။LTE ကွန်ရက်ကိုအထောက်အပံ့ ပေးပြီး150Mbps အမြင့်ဆုံးအမြန်နှုန်းကို ပေးစွမ်းနိုင်ပါသေးတယ်။

<Battery & Storage>
Y6II မှာလည်3း000mAh ဘက်ထရီနဲ့Huawei မူပိုင်စွမ်းအင်ချွေတာရေး နည်းပညာ ကိုအသုံးပြုထားတာကြောင့်ဘက်ထရီသုံးစွဲမှုကို၃၀% အထိ ချွေတာပေးနိုင်ပါတယ်။ဒါ့အပြင်ဘက်ထရီအလွန်နည်းနေချိန်မှာUltra power saving mode မှာ ပြောင်းလဲအသုံးပြုလိုက်ရင်ဘက်ထရီသက်တမ်းကို (၃)နာရီခန့်ထပ်မံဆွဲဆန့်အသုံးပြုနိုင်မှာဖြစ်ပါတယ်။EMUI 4.1 မှာအသစ်ပါဝင်လာ တဲ့လုပ်ဆောင်ချက်တစ်ခုကတော့မိမိအသုံးပြုထားတဲ့wallpaper အရောင်ပေါ် မူတည်ပြီးapp များရဲ့စာလုံးအရောင်ကိုမျက်စိနဲ့မြင်သာအောင် ပြောင်းလဲ ပေးပါတယ်။

Mobile Guide Journal (Every Monday)
https://www.facebook.com/officialmobileguidejournal





<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 




www.pyaephyo.com

0 comments:

Post a Comment