♪ နားကြပ်တပ်ထားရင်းနဲ့ အားသွင်းနိုင်မယ့် ဒေါ်လာ ၄၀ တန် iPhone 7 adapter ♫


Apple ဟာ အသစ်ထွက်လာတဲ့ iPhone 7 နဲ့ iPhone 7 Plus တို့မှာ နားကြပ်ပေါက်ကို ဖြုတ်ပစ်ခဲ့တာ သိကြပြီးဖြစ်မှာပါ။ ဒါပေမယ့် iPhone 7 ရောင်းချတဲ့အခါ Lightning port မှာ တပ်သုံးနိုင်တဲ့ EarPods နားကြပ်နဲ့ ၃.၅ မီလီမီတာနားကြပ်ဟောင်းတွေ တပ်သုံးနိုင်တဲ့ adapter တစ်ခုထည့်ပေးထားပါတယ်။

သို့ပေမယ့်လည်း နောက်ထပ်ပြဿနာတစ်ခုကတော့ ရှိနေသေးပါတယ်။ iPhone 7 မှာ Lightning port က တခုပဲ ပါတာကြောင့် ဖုန်းအားနည်းနေတဲ့အခါမျိုးမှာ နားကြပ်ထိုးထားရင် ဖုန်းအားသွင်းဖို့ အပေါက်ကျန်တော့မှာမဟုတ်ပါဘူး။ ဒီအတွက် ကြိုးမဲ့နားကြပ် AirPods ရှိတယ်ဆိုပေမယ့်လည်း ဒေါ်လာတစ်ရာကျော်သုံးပြီး သက်သက်ဝယ်ရမှာဆိုတော့ သိပ်အဆင်မပြေပါဘူး။

ဒီအခက်အခဲကို အမေရိကန်အခြေစိုက်အီလက်ထရောနစ်ကုမ္ပဏီ Belkin က ဖြေရှင်းပေးလိုက်ပါပြီ။ Apple ကုမ္ပဏီနဲ့ ပူးပေါင်းပြီး iPhone 7 အတွက် ရည်ရွယ်ထုတ်လုပ်ထားတဲ့ Lightning Audio+ Charge RockStar adapter ဟာ ဈေးနှုန်းက ဒေါ်လာ ၄၀ ပဲရှိပြီး၊ iPhone 7 ရဲ့ lightning port တစ်ခုကို နှစ်ခုဖြစ်အောင် ပွားပေးမှာပါ။

belkin-lightning-audio-charge-rockstar-f8j198-diagram-v01-r01-us

24-bit/48 kHz အသံစနစ်ကို ထောက်ပံ့ပေးထားပြီး၊ iOS 10 သုံး ဖုန်းတိုင်းမှာ အသုံးပြုနိုင်မှာဖြစ်ပါတယ်။ တစ်ခုအခက်အခဲရှိတာက အရင်နားကြပ်ဟောင်းပိုင်ရှင်တွေအနေနဲ့တော့ ဒီ adapter ကို ထိုးဖို့အတွက် 3.5mm ကနေ lightning ပြောင်းပေးတဲ့ Apple adapter တဆင့်ခံရဦးမှာဖြစ်ပြီး၊ သီချင်းတစ်ခါနားထောင်ဖို့အတွက် ကြိုးတွေရှုပ်ယှက်ခတ်နေမှာပါ။

အောက်တိုဘာ ၁၀ ရက်နေ့ကစပြီး အွန်လိုင်းမှာ ဝယ်ယူရရှိနိုင်ပြီဖြစ်ကာ၊ Apple အရောင်းဆိုင်တွေမှာလည်း ဝယ်ယူနိုင်မှာဖြစ်တယ်လို့ သိရပါတယ်။


Credit to ==> Digital Times


<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 





www.pyaephyo.com

0 comments:

Post a Comment