စမတ် analog နာရီများအတွက် HP နှင့် Movado ပူးပေါင်း

 


စမတ် analog နာရီသစ်များအတွက် Movado Group နှင့် ပူးပေါင်းဆောင်ရွက်မည်ဖြစ်ကြောင်း HP က အောက်တိုဘာ ၁၂ ရက်တွင် ကြေညာခဲ့သည်။ အဆိုပါ ပူးပေါင်းဆောင်ရွက်မှုအရ HP ၏ smart platform ကို Coach, Hugo Boss, Ferrari, Tommy Hilfiger နှင့် Juicy Couture တို့၏ နာရီများ၌ တွေ့မြင်ရမည်ဖြစ်သည်။

အဆိုပါ နာရီအားလုံးသည် analog နာရီများနှင့် ဆင်တူသည်။ ၎င်းတို့တွင် စတီးလ်ကိုယ်ထည်များပါဝင်ပြီး ရေစိုဒဏ်ခံနိုင်ကာ အရွယ်အမျိုးမျိုး၊ ပုံစံအမျိုးမျိုးဖြင့် ရရှိနိုင်သည်။ နာရီတစ်ခုစီတွင် တုန်ခါစနစ်မှအစ စမတ်လုပ်ဆောင်ချက်အမျိုးမျိုး ပါဝင်မည်ဖြစ်သလို OLED display နှင့် LED light ဖြင့် ရရှိနိုင်သည်။ နာရီများသည် နေ့စဉ်လုပ်ရှားမှုများကို ခြေရာခံနိုင်ပြီး iPhone နှင့် Android ဖုန်းမှ ဖုန်းခေါ်ဆိုမှုများ၊ text message များ၊ email များ၊ social media update များနှင့် ပြက္ခဒိန်သတိပေးချက်များကို ဖော်ပြပေးနိုင်သည်။

Coach, Hugo Boss, Ferrari နှင့် Tommy Hilfiger နာရီများတွင် screen တစ်ခုပါဝင်မည်ဖြစ်ပြီး Juicy Couture နာရီများတွင် LED notification light ပါဝင်မည်ဖြစ်သည်။

အဆိုပါနာရီများတွင် analog လှုပ်ရှားမှုများအတွက် သာမန် coin battery တစ်ခုကို အသုံးပြုထားပြီး စမတ်လုပ်ဆောင်ချက်များအတွက် အားသွင်းရန် လိုအပ်မည်ဖြစ်သည်။ ဘက်ထရီကို သုံးစွဲမှုအပေါ် မူတည်ပြီး ၅ ရက်မှ ၇ ရက်အတွင်း အသုံးပြုနိုင်သည်။

တန်ဖိုးမှာ ၁၉၅ ဒေါ်လာမှ ၃၂၅ ဒေါ်လာအထိ ကျသင့်မည်ဖြစ်သည်။ စမတ် analog နာရီများကို အောက်တိုဘာ ၂၇ ရက်မှ စတင်ကာ HP.com အပြင် Macy’s နှင့် Nordstrom ကဲ့သို့သော လက်လီအရောင်းများ၌ စတင်ရောင်းချမည်ဖြစ်သည်။

Ref: CNET
Credit Internetjouranl

သီဟထိုက်(ဆွေသဟာMobile)

0 comments:

Post a Comment