♪ “ရောင်း၊၀ယ်နိုင်သော Facebook ဈေးရုံ” ♫


လူမှုကွန်ရက်စနစ်များသုံးခြင်းသည် အရှိန်အဟုန်ပိုမိုပြင်းထန်လာသော ကြောင့် သက်ဆိုင်ရာ ဆက်သွယ်ရေး အော်ပရေ တာများသည် သက်သာ သောနှုန်းထား၊ လျင်မြန်သောအမြန်နှုန်းများဖြင့် အပြိုင်အဆိုင် ၀န်ဆောင်မှု ပေးလာကြပါတယ်။ လူမှုကွန်ရက်စနစ်များကြောင့် အရေးပေါ်သတင်းများ အချိန်တိုအတွင်း သုံးစွဲသူများကြားပျံ့နှံ့နိုင်သလို၊ ကူညီမှုများလည်း အချိတ် အဆက်မိမိ၊ ထိထိရောက်ရောက်လုပ်ဆောင်နိုင်ပါတယ်။

လူမှုကွန်ရက်သုံး၍ စီးပွားရေးလည်းလုပ်ဆောင်နိုင်ပါသေးတယ်။ လူမှု ကွန်ရက်ကိုအခြေပြု၍ လုပ်ကိုင်မှုအများဆုံး စီးပွားရေးလုပ်ငန်းတစ်ခုကတော့ online shopping များဖြစ်ပါတယ်။ အ၀တ် အထည်နှင့် အသုံးအဆောင်မျိုးစုံကိုအိမ်တိုင်ရာ ရောက်ပို့ဆောင်ရောင်းချပေးသောကြောင့် ဈေးဝယ်ခြင်းကို နှစ်သက်သူများ အကြိုက်တွေ့ခဲ့ကြပါတယ်။ ဆိုင်ခန်း တစ်ခန်းဖွင့်လှစ်ခြင်းထက် ပိုမိုသော အကျိုးရှိခြင်းကြောင့် online shopping လုပ်ကိုင်လာ သူများ များပြားလာ ပါတယ်။ ကောင်းကျိုးရှိသလို၊ ဆိုးကျိုးလည်းရှိပါတယ်။ ရောင်းချသူ အချို့မှ မမှန်မကန်ပြုမူသလို၊ ၀ယ်ယူသူ များဘက်တွင်လည်း လိမ်လည်မှုပြုသူ များရှိ ပါတယ်။

သို့သော် အွန်လိုင်းစနစ်သုံး၍ အရောင်းအ၀ယ်ပြုလုပ်ခြင်းကတော့ အရှိန် အဟုန်မပျက် စီးဆင်းနေ ပါတယ်။ နိုင်ငံအလိုက် အွန်လိုင်းအရောင်း အ၀ယ်လုပ်ငန်းလုပ်ဆောင်နေသော လုပ်ငန်းကြီးများရှိပြီး၊ ထိုလုပ်ငန်းများ သည် သုံးစွဲသူများ၏ယုံကြည်မှုရအောင် အစဉ်ဆောင်ရွက်နေကာ၊ မကြာခဏ ဆိုသလို အရောင်းမြှင့်တင်ခြင်းများ၊ ဈေးကွက်ချဲ့ထွင်ခြင်းများ လုပ်ဆောင်ကြ ပါတယ်။

အွန်လိုင်းအခြေပြုရောင်းဝယ်ခြင်းနဲ့ ပတ်သက်သောလုပ်ငန်းကို နိုင်ငံ အသီးသီးမှ ကုမ္ပဏီများက လုပ်ဆောင်နေကြပြီး ဈေးကွက်ချဲ့ထွင်မှုများလည်း ဆောင်ရွက်ကြပါတယ်။ ပြည်တွင်းတွင်လည်း အွန်လိုင်းအခြေပြုရောင်း၊ ၀ယ် လုပ်ငန်းများစွာရှိပြီး အချို့လုပ်ငန်းများကတော့ နာမည်ဂုဏ်သတင်းကြီးပါ တယ်။ အွန်လိုင်းအရောင်းအ၀ယ်လောကတွင် တရုတ်နိုင်ငံမှ Alibaba သည်ဝင်ငွေများစွာရရှိပြီး လူသိများအောင်မြင်နေပါတယ်။

Alibaba လုပ်ငန်းစုကို တည်ထောင်ခဲ့သူကတော့ Jack Ma ဖြစ်ပြီး၊ ၁၉၉၉ ခုနှစ်ဧပြီလ၊ ၄ ရက်နေ့တွင် တည်ထောင်ခဲ့ခြင်းဖြစ်ပါတယ်။ ရုံးချုပ်မှာ Hangzhou,Zhejiang တွင်တည်ရှိပါ တယ်။ တရုတ်နိုင်ငံ၏ ထိပ်တန်းလူချမ်းသာတစ်ဦးဖြစ်နေပြီဖြစ်သော Jack Ma သည် သူ၏ လုပ်ငန်းကို အမေရိကန်ထိလည်းခြေဆန့်ခဲ့ပြီး၊ အမေရိကန်၏ ထိပ်ဆုံး အဆင့်ခေါင်းဆောင်နဲ့လည်း ရင်းရင်းနှီးနှီးတွေ့ဆုံခွင့်ရအောင် လုပ်ဆောင်နိုင်ခဲ့ပါတယ်။ မကြာသေးမီ ရက်ပိုင်းကလည်း Jack Ma သည် Hollywood နဲ့ သက်ဆိုင်သောရင်းနှီးမြှုပ်နှံမှုအဖြစ် Steven Spielberg ရဲ့ ရှယ်ယာများကို ၀ယ်ယူခဲ့ပါတယ်။

လူမှုကွန်ရက်စနစ်များတွင် အရောင်းအ၀ယ်လုပ်ငန်းများ ခေတ်စားလာသည့် အခါတွင် Facebook သည်လည်း သူ၏ Marketplace ကို နောက်တစ်ကြိမ် မိတ်ဆက်လာခဲ့ပါတယ်။ Facebook ဟာ Marketplace ကို ၂၀၀၇ ခုနှစ်၊ မေလ ကစတင် မိတ်ဆက်ခဲ့တာဖြစ်ပြီး ၂၀၀၉ ခုနှစ်မှာတော့ Facebook ဟာ Marketplace ကို Oodle ကို လွှဲပေးလိုက်ပါတယ်။ ၂၀၁၄ ခုနှစ်၊ နိုဝင်ဘာလ မှာတော့ မူလ Marketplace ကိုပိတ်လိုက်ပါတယ်။ အခုအခါမှာတော့ ပိုမို လွယ်ကူစွာဖြင့် ရောင်း၊ ၀ယ်ခြင်းများ ပြန် လည်ပြုလုပ်နိုင်ပြီဖြစ်ပါတယ်။

Facebook ရဲ့ ရောင်း၊ ၀ယ်အဖွဲ့များထဲသို့ လစဉ်ဝင်ရောက်လေ့လာသူ 450 million ခန့်ရှိပါ တယ်။ "Craigslist (အရောင်း၊ အ၀ယ်နှင့် အလုပ်အကိုင်ရှာဖွေ ရေး website) ရဲ့ပျံ့နှံ့မှုဟာ ဒေသတွင်းအရောင်း၊ အ၀ယ်လုပ်ငန်း အတွက် လိုအပ်ချက်ကြီးမားမှုကို ပြသနေကြောင်း ကျွန်တော့်အားစဉ်းစားမိစေပါတယ်”ဟု Marketplace ရဲ့ product manager ဖြစ်သူ Bowen Pan ကပြောပါတယ်။ အဝေးမှ ကုန်ပစ္စည်းကိုဝယ်ယူဖို့ အဆင်မပြေသူများအနေဖြင့် လိုအပ်သော ပစ္စည်းကို အနီး အနားမှပင် ၀ယ်ယူနိုင်မှာဖြစ်ပါတယ်။

မိမိလိုချင်သော ပစ္စည်း ကို ရိုက်ထည့်ရှာဖွေပါက အနီးအနားပတ်ဝန်းကျင်တွင် ရောင်းမည့် သူရှိပါက ဖော်ပြပေးမှာဖြစ်ပါတယ်။ ရောင်းသူ၊ ၀ယ်သူ၏ နေရာအတိအကျကို ဖော်ပြ ပေးမှာမဟုတ်ဘဲ ခန့်မှန်းချက်ဖြင့်သာ ဖော်ပြပေးမှာဖြစ်ပါတယ်။ “ကျွန်တော် တို့အနေနဲ့ သင့်အတွက် သင့်လျော်တဲ့အမျိုးအမည်တွေကို ဖော်ပြပေးမှာပါ။ အကယ်၍ သင့်အနေနဲ့ဘာလိုချင်တာကို တိတိကျကျ မသိခဲ့ဘူးဆိုရင်တောင် ဆီလျော်တဲ့ကုန်ပစ္စည်းများကိုညွှန်ပေးမှာပါ”ဟု Pan က ပြောပါတယ်။

Facebook မှာ အကောင့်တုများဖြင့် အသုံးပြုနေခြင်းလည်းရှိရာ၊ ရောင်းဝယ် သည့်ကိစ္စတွင်လည်း အနှောင့်အယှက်မဖြစ်စေရန် ကာကွယ်မှုပိုင်းကို လုပ်ဆောင်ပေးထားပါတယ်။ မရိုးသားသည့်လုပ်ရပ်များလုပ်ဆောင်ပါက ရင်ဆိုင်ဖြေရှင်းရမည့် ကိစ္စများစွာရှိပါတယ်။ တစ်နေ့လျှင် ပျမ်းမျှအားဖြင့် မိနစ် ၅၀ ခန့် Facebook သုံးနေခြင်းကြောင့် ပစ္စည်းများ လိုအပ်သည့်အခါ Facebook မှာပင် ရှာဖွေဝယ်ယူနိုင်မှာ ဖြစ်တာကြောင့် သုံးစွဲသူအများစုက ကြိုက်နှစ်သက်ကြပါတယ်။

မြို့ထဲရှိစတိုးဆိုင်များကို သွားရောက်မ၀ယ်ချင်သူများ၊ သုံးလက်စပစ္စည်းများ ပြန်လည်ရောင်းချချင် သူများအနေဖြင့် အချင်းချင်းချိတ်ဆက်၍ အရောင်း၊ အ၀ယ်ပြုနိုင်ပါတယ်။ Facebook အနေဖြင့် အခကြေး ငွေကောက်ခံခြင်း မရှိတာကြောင့်၊ သုံးစွဲသူများအနေဖြင့်လည်း အပို ငွေကြေးမကုန်ကျတော့ပါ ဘူး။ ရောင်းဝယ်သည့် လုပ်ငန်းနဲ့ပတ်သက်၍ ရောင်းသူနှင့်ဝယ်သူကြား ဖြစ်လေ့ဖြစ်ထရှိသည့်ကိစ္စများကို Facebook အနေနဲ့ တာဝန်ယူမှာမဟုတ်ပါ ဘူး။ လူမှုကွန်ရက်ကိုအသုံးချ၍ မကောင်းမှု ကျူးလွန်ခြင်းများလည်းရှိသော ကြောင့် သက်ဆိုင်ရာလုပ်ငန်းများသည် လုံခြုံရေးစနစ်များ ကို ကောင်းသည် ထက်ကောင်းအောင် လုပ်ဆောင်ရသလို၊ အကြံပြုဆွေးနွေးခြင်းလည်း လုပ်ဆောင်ကြပါတယ်။

လူမှုကွန်ရက်တွင်တွေ့ဆုံ၍ လိင်ပိုင်းဆိုင်ရာအမြတ် ထုတ်ခြင်း၊ ရောင်းစားခြင်း၊ လုယက်ခြင်း၊ ငွေညှစ်ခြင်း များပြုလုပ်သောကြောင့် အရောင်း၊အ၀ယ်ကိစ္စနဲ့ ပတ်သက်၍လည်း စည်းကမ်းသတ်မှတ်ထားပါတယ်။ လက်နက်ရောင်းဝယ်ခြင်း မပြုရန်နှင့် လိင်ပိုင်းဆိုင်ရာ ၀န်ဆောင်မှုမပေးရန် တားမြစ်ထားပါတယ်။ ဥပဒေနဲ့မလွတ်ကင်းသော အခြားကုန်ပစ္စည်းများကို လည်း ရောင်းချလို့ မရပါဘူး။

“အသုံးပြုသူအားလုံးဟာရောင်းသူ၊ ၀ယ်သူဖြစ်နိုင်ပါတယ်။ အချို့တွေက ဘယ်ပစ္စည်းဝယ်မယ်ဆိုပြီး ရည်ရွယ်ချက် သတ်သတ်မှတ်မှတ်မရှိကြပါဘူး။ စနစ်ကိုအသုံးပြုပြီး၊ လျှောက်ကြည့်ခြင်းကမှပစ္စည်း တစ်မျိုးမျိုးကို မျက်စိကျပြီး ၀ယ်ချင်စိတ်ဖြစ်ပေါ်ကာ ၀ယ်တာဖြစ်ပါတယ်” ဟု Pan က ပြောပါသေးတယ်။ ဂိမ်းစက်အဟောင်းများ၊ နားကြပ်များ၊ ကားပစ္စည်းအပိုများ၊ အ၀တ်အထည် များ၊ ပရိဘောဂများ၊ ဖိနပ်များ၊ လက်ဝတ် ရတနာများနှင့် အခြားအမျိုးအမည် များစွာရောင်းချ၊ ၀ယ်ယူနိုင်သောကြောင့် ကိုယ်တိုင်ပင် လေ့လာအကဲဖြတ်သူ အဖြစ် လုပ်ဆောင်ရမည်ဖြစ်ရာ သေချာစိစစ်ရွေးချယ်ဝယ်ယူရန်လိုအပ်ပါ တယ်။

Facebook ဟာ အဆင့်မြှင့်တင်ခြင်းများ မကြာခဏပြုလုပ်ပေးနေရာ အခုအခါ တိုက်ရိုက်ထုတ်လွှင့် တင်ဆက်ခြင်းပင် လုပ်ဆောင်နိုင်ပါတယ်။ ထို့ကြောင့် ပြပွဲများ ကျင်းပသည့်အခါမှာ သော် လည်းကောင်း၊ ဆွေးနွေးပွဲများ (သို့) စကားဝိုင်းများကျင်းပ သည့်အခါမှာသော်လည်းကောင်းအများစု ကြည့်ရှု နိုင်အောင် ပိုမိုလုပ်ဆောင်နိုင်လာပါတယ်။Mark Zuckerberg ဟာ အာရှတိုက် မှာ ၀န်ဆောင်မှုများပိုမိုပေးနိုင်ဖို့ ပြီးခဲ့သောနှစ်ကတည်းက သက်ဆိုင်ရာနိုင်ငံ များမှ ခေါင်းဆောင်တွေနဲ့တွေ့ဆုံ ခဲ့ပါတယ်။ ထိပ်သီးခေါင်းဆောင်များ၊ သက်ဆိုင်ရာဌာနမှ အကြီးအကဲများကိုလည်း အခါအားလျော်စွာ သူ၏ရုံးကို ဖိတ်ကြားခြင်းလည်း လုပ်ဆောင်ပါတယ်။

 အိန္ဒိယနိုင်ငံကို Digital နိုင်ငံအဖြစ် အသွင်ပြောင်းလိုသည့်အိန္ဒိယနိုင်ငံ၏ တာဝန်ရှိပုဂ္ဂိုလ် Narendra Modi နဲ့ လည်း ပြီးခဲ့သော နှစ်ကတွေ့ဆုံမှုပြုခဲ့ပြီး၊ နေရာအများအပြားတွင် Facebook သုံးစွဲ နိုင် အောင် ပံ့ပိုးပေးနိုင်ဖို့ကြိုးစားနေပါတယ်။ Zuckerberg သည် ကျောင်းပြီးခါစလူငယ်များကို လစာလုံလောက်စွာဖြင့် Facebook တွင် အလုပ်ပေးသလို၊ အမေရိကန်ရှိ ပညာသင်ကြားရန်ခက်ခဲသော ကလေးငယ် များကိုလည်း ဇနီးမောင်နှံနှစ်ယောက် ကူညီ ထောက်ပံ့ပေးပါတယ်။

ကမ္ဘာတစ်ဝန်းရှိ ဖွံ့ဖြိုးမှုအားမကောင်းသည့် နိုင်ငံများတွင် အင်တာနက်စနစ် တွေကို ဈေးနှုန်းချိုသာစွာ (သို့) အခမဲ့ဖြင့် သုံးစွဲနိုင်အောင် ထောက်ပံ့ပေးရန် အတွက်လည်း ကြိုးပမ်းဆောင်ရွက်နေပါတယ်။ အင်တာနက်နည်းပညာများ သုံးစွဲခွင့်ကန့်သတ်ခံထားရသည့် နိုင်ငံများရှိ ပြည်သူတွေအတွက်လည်း ရည်ရွယ်ပါတယ်။ အခြားသောကုမ္ပဏီများက မိုးပျံ ပူဖောင်းများ၊ ဂြိုဟ်တုငယ် များဖြင့် ကွန်ရက်လှိုင်းများ ထုတ်လွှင့်ဖို့ ကြံရွယ်ပေမယ့် Facebook ကတော့ Drone ကိုအားပြု၍ ကွန်ရက်ဖြန့်ကြက်မှာဖြစ်ပါတယ်။

အွန်လိုင်းစနစ်ကျယ်ပြန့်လာခြင်းကြောင့် အပြင်သွား၍ဈေးဝယ်ခြင်း ထက်အိမ် နေရင်းဈေးဝယ်ခြင်းကို လုပ်ဆောင်သူ ပိုများလာခဲ့ပါပြီ။ လူအချို့ အတွက် လည်း အလုပ်အကိုင်အခွင့်အလမ်း ပွင့်လင်းလာပါတယ်။ အထူးသဖြင့် အိမ်ထောင်ရှင် အမျိုး သမီးများအတွက် တစ်နိုင်တစ်ပိုင်လုပ်ငန်း လုပ်ဆောင် လာနိုင်ပါတယ်။ မြင်သမျှ၊ ထွက်သမျှ၊ နောက်ဆုံးပေါ်သမျှ အမျိုးအမည် များကို မလိုအပ်ဘဲဝယ်ယူသုံးစွဲခြင်းသည်

အချို့သောသူများအတွက်ပိုက်ဆံ ဖြုန်းတီးရာလည်း ဖြစ်စေပါတယ်။ ငွေကြေးကိစ္စနဲ့ ပတ်သက်၍ နောင်တွင် အခက်အခဲမဖြစ်စေရန် ဈေးသုံးမလွယ်ဖို့လည်း သတိချပ်သင့်ပါတယ်။

ငြိမ်းချမ်းတိုး
Mobile Guide Journal (Every Monday)
https://www.facebook.com/officialmobileguidejournal





<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 





www.pyaephyo.com

0 comments:

Post a Comment