မြန်မာနိုင်ငံတွင်းရှိ Note 7 ဖုန်းကိုင်ဆောင်သူများအနေဖြင့် အချက်နှစ်ချက်ထဲမှ တစ်ချက်ကို လုပ်ဆောင်ရန်လိုအပ်ကြောင်း သတင်းထုတ်ပြန်


မြန်မာနိုင်ငံရှိ Galaxy Note 7 ဖုန်းကိုင်ဆောင်သူများအနေဖြင့် အချက်နှစ်ချက်ထဲမှ တစ်ချက်ကို လုပ်ဆောင်ရန်လိုအပ်ကြောင်း သတင်းထုတ်ပြန်သည်။

ပထမအချက်အနေဖြင့် ယခု လက်ရှိကိုင်ဆောင်နေသည့် Galaxy Note 7 ဖုန်းအား Galaxy S7edge ဖြင့် လဲလှယ်နိုင်ပြီး တန်ဖိုးကွာခြားချက်အတွက် ကျပ် ငါးသောင်းခန့်တန်ဖိုးရှိ Samsung Original Battery Pack 5200 Mah နှင့်အခြားလက်ဆောင်ပစ္စည်းများကို ရယူနိုင်ကြောင်း ဆိုသည်။ ဒုတိယအချက်မှာ Galaxy Note 7 ဖုန်းအား ဝယ်ယူခဲ့သော Samsung Brand Shop တွင် ဆက်စပ်ပစ္စည်းများ နှင့်တကွ ပြန်လည် အပ်နှံရန် လိုအပ်ကြောင်း၊ ဖုန်း စတင်ဝယ်ယူရန်ဆောင်ရွက်ခဲ့သည့် ကမ္ဘောဇဘဏ်ခွဲမှတစ်ဆင့် ပြန်အမ်းငွေ အပြည့် ပြန်လည်ထုတ်ယူခြင်းကို လုပ်ဆောင်နိုင်ရန် ဆောင်ရွက်ပေးသွားမည် ဖြစ်ကြောင်း သိရသည်။

လက်ရှိဖြစ်ပေါ်နေသည့် အဆိုပါဖုန်းနှင့် ပတ်သက်သည့် အခြေအနေကိစ္စရပ်များအား စုံစမ်းစစ်ဆေးရန် သက်ဆိုင်ရာအဖွဲ့အစည်းများနှင့် ပူးပေါင်းကာ ဆောင်ရွက်လျက်ရှိကြောင်း၊ ယင်းဖုန်းများ ရောင်းချခြင်း၊ လဲလှယ်ခြင်းနှင့် ထုတ်လုပ်ခြင်းတို့ကို ကမ္ဘာတစ်ဝန်းလုံးတွင် လုံးဝရပ်တန့်လိုက်တော့ မည်ဖြစ်ကြောင်း အောက်တိုဘာ ၁၁ ရက် ရက်စွဲဖြင့် ကြေညာလိုက်ခြင်းဖြစ်သည်။


Internet Journal

0 comments:

Post a Comment