♪ “iPhone တို့၏ ၁၀ နှစ်တာခရီးအလွန်” ♫

Image may contain: phone

၂၀၀၇ ခုနှစ်၊ ဇန်န၀ါရီလ ၉ ရက်နေ့။ ထိုနေ့သည် နည်းပညာနယ်ပယ်၏ လွှမ်းမိုးမှုအရှိဆုံးဖြစ်လာမည့် စွန့်ဦးတီထွင် သမားတစ်ဦးက ကမ္ဘာကြီးထံသို့ သစ်လွင်သောတီထွင်မှုတစ်ခု ယူဆောင်လာခဲ့သည်။ ထိုတီထွင်မှုသည် သူ၏ Masterpiece ဟု ဆိုနိုင်သောလက်ရာမွန်တစ်ရပ်ဖြစ်သလို သမိုင်း တစ်လျောက်တွင် အကျိုးအမြတ်အများဆုံးရှာဖွေပေးနိုင်သည့်နည်းပညာ ထုတ်ကုန်တစ်ရပ်လည်း ဖြစ်လာခဲ့တော့သည်။ မှန်ပါသည်။ ထိုတီထွင်မှုက အားလုံးသိကြသည့်အတိုင်း iPhone ပင်ဖြစ်လေသည်။ ၁၀ နှစ်တာခရီး အတွင်း iPhone သည် မော်ဒန်စီးပွားရေးနယ်ပယ်တွင်လည်း အမျိုးမျိုး အဖုံဖုံ အဓိပ္ပာယ်ဖွင့်နိုင်ခဲ့သည် အထိ အကျိုးသက်ရောက်မှုကြီးမားလှပေသည်။

ထို့အတူ ယင်းကိုယ်တိုင်လည်း ခိုင်မာသော အကျိုးကျေးဇူးကိုရှာဖွေနိုင်ခဲ့သေး သည်။ ကုန်ကုန်ပြောရလျှင် iPhone ဆိုသောထုတ်ကုန်တစ်မျိုးတည်းမှနေ၍ Apple ကုမ္ပဏီ ရှာဖွေနိုင်ခဲ့သော ငွေကြေးအမြတ် အစွန်းမျိုးကို ရရှိထားသည့် ကုမ္ပဏီအရေအတွက်မှာ ယနေ့ကမ္ဘာပေါ်တွင် ၂ ခု၊ ၃ ခုသာရှိနေပါသေး သည်။ အခြေခံကျသည့် အချက်ကတော့ စမတ်ဖုန်းဆိုသောထုတ်ကုန်သစ် တစ်မျိုးဖြစ်နေခြင်းပင်။ ထို စမတ်ဖုန်းဆိုသောအခေါ်အဝေါ်ဖြင့်ပင် လွန်ခဲ့ သော ၁၀ နှစ်ခန့်က လုံးဝ မရှိခဲ့ဖူးသောပစ္စည်းသစ်တစ်မျိုးကို iPhone နှင့် ၎င်းကိုအတုခိုးထွက်ရှိလာသောအခြားသော Touchscreen မိုဘိုင်းဖုန်းများက ကိုယ်စားပြုနိုင်ခဲ့သည်မဟုတ်ပါလား။ ယခုတော့ စမတ်ဖုန်းဆိုသည်မှာ ဆက်သွယ်ရေးပစ္စည်းသက်သက် မဟုတ်တော့ဘဲ လူသားတို့စိတ်ဆန္ဒများကို ဖြည့်ဆည်းပေးနိုင်သည့်မရှိမဖြစ်ပစ္စည်းတစ်မျိုးဖြစ်လာခဲ့လေပြီ။

အထူးသဖြင့် iPhone သည် ဆော့ဝဲ၊ တေးဂီတနှင့်ကြော်ငြာခြင်းစသည့် အခြားစီးပွားရေး ဈေးကွက်များကိုလည်း ကောင်းစွာအသွင်ပြောင်းလဲပေး နိုင်ခဲ့သည်။ သို့သော် ဆန်းသစ်ခြင်း၊ ထူးခြားခြင်းသည် iPhone နှင့်ပတ်သက် ပြီး အပေါ်ယံမြင်သာသောအချက်များသာဖြစ်၏။ ပို၍ နှိုက်နှိုက်ချွတ်ချွတ် လေ့လာမည်ဆိုပါက iPhone သည် အံ့သြဖွယ်ရာပုံပြင်တစ်ပုဒ်ဖြစ်နေ သည်ကို တွေ့ရပါလိမ့်မည်။ ပထမဆုံး အနေဖြင့် Apple ဖခင်ကြီးစတိဗ်ဂျော့ကို ဂုဏ်ပြုစကားဆိုရပါလိမ့်မည်။ ထို့နောက် သူ၏ပါတနာများဖြစ်သော စတိဗ်ဝေါ့ဇနီ၊ အရိုက်အရာဆက်ခံခဲ့သည့်လက်ရှိစီအီးအိုတင်ကွတ်၊ အမြင်ပိုင်းဆိုင်ရာကို လှပစွာပုံစံထုတ်ပေးနိုင်ခဲ့သည့် ဒီဇိုင်နာဆာဂျွန်နီအိုင်ဗီ တို့သည်လည်း iPhone ၏ ၁၀ နှစ်တာခရီးကို စတင်အသက်သွင်းပေးခဲ့ကြ သူများဖြစ်သည်။ သို့ရာတွင် iPhone တို့၏ အောင်မြင်မှုဇာတ်စင်နောက် ကွယ်မှ အမေ့လျော့ခံအချက်အလက်များလည်း ရှိနေကြပါသေးသည်။

<နည်းပညာအားသာချက် ၁၂ ရပ်>

စာဖတ်သူကိုယ်တိုင် မေးခွန်းထုတ်ကြည့်လိုက်ပါ။ မည်သည့်အားသာချက် များက iPhone ကို မတူကွဲပြားသောစမတ်ဖုန်း တစ်လုံးအဖြစ် ကျော်ကြားစေ ခဲ့ ပါသနည်း။ လှပသည်မှန်သော်လည်း ရိုးရှင်းသောဒီဇိုင်းသာဖြစ်သည်။ ဆော့ဝဲနှင့်ဟာ့ဝဲများ ချိတ် ဆက်မှုကို ပုံဖော်ပေးနိုင်သော User Interface များလည်း ယခင်မိုဘိုင်းဖုန်းများကဲ့သို့ပင် ပါရှိသည်။ သိပ်မထူးဆန်းလှသေး။ သို့သော် စွဲမက်ဖွယ်ကောင်းသော iPhone မျက်နှာပြင်အောက်ဝယ် စမတ်ဖုန်း စင်စစ်ဖြစ်လာစေသည့် အရေးပါသော နည်းပညာ အားသာချက် ၁၂ ရပ် ပါဝင်ခဲ့ကြောင်း စီးပွားရေးပညာရှင်မာရီ ယာနာမက်ဇူကာတိုက အောက်ပါ အတိုင်းထုတ်နုတ်တင်ပြသွား ခဲ့သည်။

(၁) အလွန်သေးငယ်လှသော Microprocessors များ၊ (၂) Memory ချစ်ပ်ပြား များ၊ (၃) Hard Drives များ၊ (၄) Liquid Crystal မျက်နှာပြင်၊ (၅) လစ်သီယမ် အမျိုးအစားဘက်ထရီ။ အဆိုပါ ၅ ချက်သည် ဟာ့ဝဲဆိုင်ရာ အားသာချက်များ ဖြစ်၏။ ဆော့ဝဲအားသာချက်များကတော့ (၆) Analogue သတင်းအချက် အလက်မျိုးစုံကို ကွန်ပျူတာသိရှိနိုင်သည့် ဒစ်ဂျစ်တယ် ဆစ်ဂနယ်များ အဖြစ်ပြောင်းလဲပေးသည့် Fast-Fourier-Transform Algorithms ၊ (၇) အင်တာနက်။ အင်တာနက်မချိတ်ဆက် နိုင်သော စမတ်ဖုန်းမှာ စမတ်ဖုန်း မမည်သည်ကို အားလုံးလည်း သိထားကြပေမည်။ (၈) အင်တာနက်အသုံးပြု ရာတွင် အဆင်ပြေ လွယ်ကူစေရန်ပံ့ပိုးပေးနိုင်သည့် HTTP နှင့် HTML ဘာသာ စကားနှင့် ပရိုတိုကောများ။ (၉) ဆယ်လူလာ ကွန်ရက်။ ယင်း ကွန်ရက်မပါဝင် ပါက စမတ်ဖုန်းသည် စမတ်မကျရုံသာမက ဖုန်းတစ်လုံးဟုပင်ခေါ်ဆိုနိုင်မည် မဟုတ်ပါ။ (၁၀) GPS ဟု အတို ကောက် သိထားကြသော Global Positioning Systems ၊ (၁၁) ထိတွေ့မျက်နှာပြင်၊ (၁၂) ပုဂ္ဂိုလ်ရေးအထောက်အကူပြု AI ဆော့ဝဲ Siri တို့ပင်ဖြစ်ကြသည်။

<စမတ်ဖုန်းတို့၏ရာဇ၀င်>

ယင်းနည်းပညာအားသာချက်များသည် iPhone စင်စစ်တစ်လုံးဖြစ် လာစေရန် (သို့) စမတ်ဖုန်းတစ်လုံး၏ဂုဏ်အင်္ဂါရပ်နှင့် အညီ အလုပ်လုပ်နိုင်မည့်အရေး ပါသောအစိတ်အပိုင်းများလည်း ဖြစ်ကြသည်။ ထိုအားသာချက်စာရင်းကို ထုတ်နုတ်ပြီး iPhone တို့၏ရာဇ၀င်ကိုပြန်လှန်လိုက်ချိန်တွင် မစ္စမက်ဇူကာတို သည် တုန်လှုပ်ဖွယ်ကောင်းသောအချက်တစ်ချက်ကို တွေ့ရှိလာခဲ့တော့ သည်။ ထိုအချက်ကတော့ iPhone စတင်မွေးဖွားကြီးပြင်းလာရခြင်း၏ အဓိက ကျသောအခြေခံအုတ်မြစ်သည် ဂုရုကြီးစတိဗ်ဂျော့ မဟုတ်ဘဲ Uncle Sam ဟုခေါ်ကြသောအမေရိကန်ပြည်ထောင်စု၏အစိုးရအဖွဲ့ကိုယ်တိုင်ဖြစ်နေခြင်းပင်။ ဆိုခဲ့ပါနည်းပညာ အားသာချက်တစ်ခုချင်းစီကို အမေရိကန်အစိုးရနှင့် အခြားသောဥရောပထိပ်သီးနိုင်ငံ အချို့ရှိ အစိုးရများက သိသာထင်ရှားသော နည်းလမ်းများဖြင့် ကနဦး ထောက်ပံ့ပေးခဲ့သောကြောင့်ပင်။ ဥပမာအားဖြင့် www ဆိုသော World Wide Web သည် ဆာတင်ဘာနာစ်လီဆိုသော ဆော့ဝဲပညာရှင်က စတင်တီထွင်ခဲ့ခြင်းဖြစ်သည်။ ၎င်းသည် ဆွစ်ဇာလန်နိုင်ငံ၊ ဂျီနီဗာမြို့ရှိ Cern ဆိုသောရူပဗေဒသုတေသနစင်တာတွင် အလုပ်လုပ်သူ ဖြစ်ပြီး ယင်းစင်တာကို ငွေကြေးထောက်ပံ့ပေးသူများမှာ ဥရောပနိုင်ငံများ ၏ အစိုးရများဖြစ်ခဲ့သည်။ အင်တာနက်ဆိုသည်မှာလည်း အမေရိကန် ကာကွယ်ရေး ဌာန၏ရန်ပုံငွေထောက်ပံ့မှုဖြင့် ၁၉၆၀ ပြည့်လွန်နှစ်များက စတင်ဖြစ်တည် လာသော Arpanet ဆိုသည့်ကွန်ပျူတာကွန်ရက်ကို အခြေခံ ဖွံ့ဖြိုးလာခဲ့ခြင်းဖြစ်သည်

GPS မှာလည်း မူလက ရိုရှင်းသည့်စစ်ဘက်ဆိုင်ရာနည်းပညာသက်သက်ပင်။ စစ်အေးတိုက်ပွဲများတွင် အကောင်အထည်ပေါ်လာပြီး ၁၉၈၀ ပြည့်လွန်နှစ် များ အရောက်တွင် သာမန်ပြည်သူများစတင်အသုံးပြုခဲ့သည့်တည်နေရာပြ ဆော့ဝဲတစ်မျိုးပင်။ Fast-Fourier-Transfrom Algorithm ကဲ့သို့ ဆော့ဝဲ များ၏ အခြေခံသည်လည်း အမေရိကန်စစ်တပ်တွင် တာဝန်ထမ်းဆောင် သော သင်္ချာပညာရှင်ဂျွန်တူကီ၏ကြိုးပမ်းမှုရလဒ်များဖြစ်နေသည်။ အထူး သဖြင့် ၁၉၆၃ ခုနှစ်က အမေရိကန်သမ္မတ ကနေဒီ၏သိပ္ပံအကြံပေး ကော်မတီ သည် ဆိုဗီယက်ပြည်ထောင်စုစမ်းသပ်နေသောနျူလက်နက်များအကြောင်းကို စုံစမ်းထောက် လှမ်းရန် ယင်း Algorithm များကို အသုံးပြုခဲ့ကြောင်း မှတ်တမ်း များရှိထားသည်။ စမတ်ဖုန်းတစ်လုံး၏အဓိကအင်္ဂါရပ်ဖြစ်သော Touchscreen သည်လည်း အီးအေဂျွန်ဆင်ဆိုသော အင်ဂျင်နီယာတစ်ဦး၏တီထွင်မှု ရလဒ် ပင်ဖြစ်သည်။ ယင်းတီထွင်မှုအောင် မြင်ချိန်တွင် ဂျွန်ဆင်သည် ဗြိတိန်အစိုးရ အေဂျင်စီတစ်ခုဖြစ်သည့် Royal Radar Establishment တွင် အလုပ်လုပ်ကိုင် သူဖြစ်ရာ Touchscreen သည် ဗြိတိန်အစိုးရ၏ကျေးဇူးမကင်းခဲ့ပေ။

မော်ဒယ်မြင့် iPhone များတွင် ပါဝင်လာသောပုဂ္ဂိုလ်ရေးအထောက်အကူပြု AI ဆော့ဝဲ၏မူလဇစ်မြစ်သည်လည်း ပထမဆုံး iPhone ထွက်ပေါ်မလာမီ ၇ နှစ် အလိုဖြစ်သည့် ၂၀၀၀ ပြည့်နှစ်တွင် စတင်ဖြစ်တည်ခဲ့သည်။ အမေရိကန် ကာကွယ်ရေး ဌာန၏ညွှန်ကြားမှုဖြင့် စတန်းဖို့ဒ်သုတေသနသိပ္ပံသည် Siri ၏ရှေ့ပြေးဟုဆိုနိုင်သည့် Virtual Office Assistant ဆော့ဝဲတစ်မျိုး ကို စမ်းသပ် အကောင်အထည်ခဲ့ကြသည်။ ရည်ရွယ်ချက်ကတော့ အမေရိကန် စစ်ဘက်ဆိုင်ရာရုံးလုပ်ငန်းများတွင် အထောက် အကူရရှိရန်ပင်။ အခြားသော နည်းပညာရပ်များမှာလည်း အစိုးရအသီးသီးနှင့် အလားတူပတ်သက် ဆက်နွယ်နေသည်ကို တွေ့ရသည်။

<အောင်မြင်မှုကို အစဆွဲထုတ်သူ (သို့) စတိဗ်ဂျော့>

မည်သို့ပင်ဖြစ်စေ။ အမေရိကန်အစိုးရအပါအ၀င် ကနဦးနည်းပညာရင်းမြစ် များကို ထောက်ပံ့ပေးခဲ့သောအစိုးရများသည် iPhone တို့အပေါ် ကျေးဇူး မကင်းသည်မှာမှန်သော်လည်း ကိုယ်တိုင်ကိုယ်ကျပါဝင်ခဲ့သည့် စွန့်ဦး တီထွင်သူများတော့ မဟုတ်ကြ ပေ။ အမေရိကန်စစ်တပ်က iPhone မထုတ်လုပ်နိုင်ခဲ့သလို Cern သုတေသနအဖွဲ့သည်လည်း Facebook သို့မဟုတ် Google ကုမ္ပဏီကိုတည်ထောင်ခဲ့ခြင်းမရှိပါ။ ယနေ့လူသား များအတွက် အဓိကကျသည့်နည်းပညာများ၏မူလရင်းမြစ်ကို အစိုးရ အဖွဲ့ အသီးသီးက စွန့်စား၍လမ်းစဖော်ခဲ့ခြင်းသာဖြစ်ပြီး ပုဂ္ဂလိကအခန်းကဏ္ဍ များ၏အချောသတ်ပြုစုပျိုးထောင်မှုဖြင့် အောင်မြင်လာ ခြင်းကိုတော့ လက်ခံရပါလိမ့်မည်။

စတိဗ်ဂျော့၏ထူးချွန်မှုကို အားလုံးလက်ခံကြသည်။ သူ၏ မှတ်မှတ်ရရ ပရောဂျက်တစ်ခုဖြစ်သည့် Animation စတူဒီယို Pixar သည် လူသိနည်း သော်လည်း ကမ္ဘာ့ရုပ်ရှင်လောကကို အပြောင်းအလဲဖြစ်စေခဲ့ပြီး ဒစ်ဂျစ်တယ် ကာတွန်းကား Toy Story ကို စတင်ပြနိုင်ခဲ့ဖူးသည်။ သို့သော် Touchscreen ၊ အင်တာနက်နှင့် ဒစ်ဂျစ်တယ်စနစ်သို့ပြောင်းလဲပေးနိုင်သည့်ဆော့ဝဲလ် အခြေခံများမရှိဘဲ အံ့သြချီးကျူးဖွယ်ကောင်းသည့် iPhone ဆိုသောပစ္စည်းကို စတိဗ်ဂျော့ဖန်တီးနိုင်လိမ့်မည်မဟုတ်ပါ။ iPhone တို့ဖြတ်သန်းခဲ့ပြီးသော ၁၀ နှစ်တာခရီးအလွန်တွင် ၎င်းတုိ့ကို ရုပ်လုံးပေါ်လာစေသည့် အခြေခံ တီထွင်မှု များနှင့် အောင်မြင်စေ သည့်အားသာချက်များကို ပို၍အမှတ်တရဖြစ်လာ ခဲ့သည်မှာ အမှန်။

Ref : (The iPhone at 10: How the smartphone became so smart - By Tim Harford)

ကိုဆွဲ(မုံရွာ)

Mobile Guide Journal (Every Monday)
https://www.facebook.com/officialmobileguidejournal




<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 






www.pyaephyo.com

0 comments:

Post a Comment