♪ " ကိုယ်နှင့်မကွာ Software " ♫

No automatic alt text available.

ကွန်ပျူတာသုံးတဲ့လူဆိုတာ ကိုယ်ကြိုက်တဲ့ Software လေးတွေကို ဘယ်ကွန်ပျူတာမှာမဆိုသုံးချင်တာက သဘာဝပဲ။ ဒါပေမဲ့ ကိုယ့်ကွန်ပျူတာကို နေရာတကာမသယ်နိုင်သရွေ့ တခြားကွန်ပျူတာတွေပေါ်မှာ ဒီလိုလုပ်ဖို့ မဖြစ်နိုင်ဘူး။ ဒါပေမဲ့ ၂ဝ ရာစုအကုန်မှာ portable software ဆိုတာ ခေတ်စားလာတယ်။ မင်မိုရီစတစ်ထဲမှာ portable software ကို ထည့်ပြီးရင် ကြိုက်တဲ့ကွန်ပျူတာမှာ မင်မိုရီစတစ်ကို ထိုးစွပ်၊ ကွန်ပျူတာပေါ်မှာ မင်မိုရီစတစ်မြင်ရပြီဆိုရင် ကိုယ်ကြိုက်တဲ့ Software ရဲ့ exe ဖိုင်ကို ကလစ်ခေါက်သုံးရုံပါပဲ။
Portable chrome software ကို သုံးမယ်ဆိုပါစို့။


(သူ့ကို bit.ly/pcchrome 409 ကနေ download ချနိုင်ပါတယ်။) ဘယ်ကွန်ပျူတာမှာမဆို သူ့ကိုသုံးနိုင်တာ၊ Desktop မှာ အပြီးတင်ထားတဲ့ Chrome ရဲ့ account ကို မင်မိုရီစတစ်ထဲကနေ သုံးနိုင်တာတွေဟာ သူ့ရဲ့အားသာချက်မဟုတ်ပါဘူး။ Browsing history နဲ့ တခြားကိုယ်ရေးအချက်အလက်တွေကို မင်မိုရီစတစ် ထဲမှာပဲထားတဲ့အတွက် လုံခြုံရေးအားသာချက်ရှိတာလည်းပါပါတယ်။ ဥပမာပြောရရင် ကွန်ပျူတာမှာ အထိုင်ချသုံးတဲ့ browser မှာ သိမ်းခဲ့တဲ့ password တွေ၊ setting တွေဟာ ဒီအတိုင်းဆိုရင် ကွန်ပျူတာတစ်လုံးကနေ တခြားတစ်လုံးကို ရွှေ့ယူလို့မရပါဘူး။ Portable software ကြောင့်သာ ရွှေ့ယူလို့ရတာပါ။

မင်မိုရီစတစ်ကို ကွန်ပျူတာက ဆွဲချွတ်လိုက်ပြီ ဆိုပါစို့။ အဲဒီ password တွေ setting တွေဟာ ကိုယ်သုံးတဲ့ ကွန်ပျူတာထဲမှာ မကျန်ခဲ့ဘူး။ ဒါပေမဲ့ နောက်ထပ် ကွန်ပျူတာပြောင်းသုံးတဲ့အချိန်မှာ အဲဒီ password တွေ setting တွေကိုခေါ်ပြီး သုံးနိုင်ပြန်ရော၊ ဘယ်လောက်တောင်သဘောကျဖို့ ကောင်းလိုက်သလဲ။ တစ်ခုတော့ရှိတယ်။ ကွန်ပျူတာထဲက antimalware တွေက အဲဒီ portable app တွေကို တရားဝင် Software အနေနဲ့ သတ်မှတ်ပြီး အသုံးပြုခွင့်ပေးဖို့ တချို့တွေကို ခွင့်မပြုတဲ့ အခက်အခဲမျိုးတော့ ရှိတတ်ပါတယ်။ 


Portable app ကို တစ်စုတည်းသုံးချင်ရင် အဲဒါတွေကို စုစည်းပေးတဲ့ software ရှိတယ်။ Portable apps.com က software ကိုသုံးပြီး စုစည်းရမှာပါ။ ဒီလိုသုံးလိုက်ရင် Chrome လို browser မျိုးကို ကွန်ပျူတာထဲမှာ အပြီးအထိုင်ချထားဖို့ မလိုပါဘူး။ setup ဖိုင်ကို ကလစ်ခေါက်ပြီး သုံးရုံပါပဲ။ Chrome မှ မဟုတ်ပါဘူး။ Firefox browser ဆိုရင်လည်း သူ့ရဲ့စွမ်းဆောင်ရည်ဟာ desktop မှာတင်ထားတဲ့ Full version firefox နဲ့ ဘယ်လိုမှ ခွဲခြားလို့မရပါဘူး။ Reading mode, private browsing တို့အပြင် ကိုယ့်စိတ်ကြိုက်ပြုပြင်လို့ရတဲ့ Firefox ကိုလည်း ပေးထားပါတယ်။ ပြီးရင် firefox sync ကိုသုံးပြီး ကိုယ့်ရဲ့ bookmark, history, tab, password နဲ့ add on တွေကို သုံးသမျှ device တိုင်းမှာ Sync လုပ်နိုင်ပါတယ်။


Portable software သုံးလို့ရလာတဲ့ နောက်ထပ်အားသာချက်တစ်ခုက တစ်နေရာမှာ လုပ်ခဲ့တဲ့အလုပ်ကို တခြားတစ်နေရာမှာ ဆက်ပြီးလုပ်နိုင်အောင် အကူအညီပေးတဲ့အချက်ပါပဲ။ ဆိုကြပါစို့ ရုံးစာတွေ စာရင်းဇယားတွေကို MS Office သုံးပြီး လုပ်လာမယ်။ ပြီးရင် တခြားကွန်ပျူတာမှာ အလုပ်ဆက်လုပ်ဖို့ ကြိုးစားမယ်။ ဒီကွန်ပျူတာမှာ MS Office မရှိဘူး။ ဖိုင်တွေဘယ်လိုဖွင့်ကြည့်မှာလည်း အသစ်လိုဆက်ပြီး အလုပ်လုပ်မှာလည်း ဖြစ်ပါတယ်။ Libre Office Portable ကို www.bit.ly/plibre 409 ကနေ download ဆွဲချနိုင်တယ်။ MS Office နဲ့ လုပ်တဲ့အလုပ်တွေကို သူနဲ့လုပ်နိုင်တယ်။


အလှအပတန်ဆာဆင်တဲ့နေရာမှာသာ MS office လောက် မကောင်းရင်နေမယ်။ Office မှာပါတဲ့ အဓိကအလုပ်တွေအားလုံး သူက လုပ်ပေးနိုင်တယ်။ သူ့ထဲမှာ MS Office format နဲ့ သိမ်းလို့ရတဲ့အတွက် MS Office ပေါ်မှာ ဆက်ပြီးအလုပ်လုပ်ရင်လည်း အဆင်ပြေပါတယ်။ တခြားပြောင်းပြီးသုံးနိုင်တဲ့ office software တစ်မျိုးကတော့ Open office portable ဖြစ်ပါတယ်။ www.bit.ly/popen 409 ကနေ download ချပြီး သုံးနိုင်ပါတယ်။ Download ချတဲ့အခါမှာ တစ်ခုတော့ သတိထားရမယ်။ Download Page တွေမှာ တခြားသူတို့ပေးချင်တဲ့ download တွေလည်းရှိပြီး ဘယ်ဟာကို ယူလို့ယူရမှန်းမသိအောင် ထင်ယောင်ထင်မှား လုပ်တတ်လို့ပါ။


Download ချရင် နောက်တစ်ခုသတိထားရမှာပါက version တွေ ကွဲလွဲနေတဲ့အချက်ပဲ။ တချို့က 32 bit Windows မှာ အလုပ်လုပ်တယ် ဆိုတာမျိုးပဲရှိတယ်။ တချို့က 64 bit Windows နဲ့ အလုပ်လုပ်တယ်ဆိုတာမျိုး ရှိတယ်။ ဒါကို သတိထားရမယ်။ ပြီးတော့ ရှိသေးတယ်။ MAC အတွက် version, Linux အတွက် version ဆိုတာတွေ၊ ကွန်ပျူတာကနေ download page သွားရင် Windows ကိုဦးတည်ပြီး ပေးတတ်တာတော့ များပါတယ်။ ဒါတောင်မှ Open Office ကို portableapps.com ကနေ download ချရင် version နှစ်မျိုးကွဲနေတာ သတိထားရဦးမယ်။ UK English နဲ့ Standard version ကို ယူရင် 826 MB ပဲရှိပါတယ်။ Language အစုံသုံးနိုင်တာယူရင် 1.5 Gb ရှိပါမယ်။


Mail တွေနဲ့ပတ်သက်ပြီး Webmail ကို မကြိုက်ဘူး။ စာတွေကို Offline ကြည့်ချင်တယ်ဆိုရင် Mozilla ကထုတ်တဲ့ Thunderbird ကိုသုံးနိုင်ပါတယ်။ သူ့ကို www.bit.ly/pthunderbird 409 ကနေ download ချနိုင်တယ်။ Portable app ပါ။ သူက ဘယ်ကွန်ပျူတာမှာမဆိုရှိတဲ့ email နဲ့ addressbook တွေကို ဖွင့်နိုင်ပါတယ်။ တခြားသုံးလို့ရတာ Opera Mail Portable ရှိတယ်။ www.bit.ly/paperam 409 ကနေ download ချပြီး သုံးနိုင်တယ်။ Customize လုပ်ပြီးသုံးချင်ရင် သူက တော်တော်အစွမ်းထက်တဲ့ app ပါ။ အီးမေးလ်တွေကို စနစ်တကျ sorting လုပ်ပေးတယ်။ Message တွေကို Conversation mode နဲ့ ပြပေးတယ်။ built-in-feed reader ပါတဲ့အတွက် ကိုယ့်အကြိုက်ဆုံး website တွေရဲ့ နောက်ဆုံးအခြေအနေကို သိနိုင်ပါတယ်။


အွန်လိုင်းသုံးတဲ့ လူတစ်ယောက်အတွက် နောက်ထပ်လိုအပ်မှာက password manageer ဖြစ်ပါတယ်။ သက်ဆိုင်ရာ website အလိုက် လိုအပ်တဲ့ password တွေကို အစီအစဉ်တကျသိမ်းပေးတဲ့ software ဆိုပါစို့။ Browser အတော်များများမှာ save password feature ပါတယ်။ ဒါပေမဲ့ portable browser မဟုတ်ရင် PC ထဲမှာ password သိမ်းတယ်။ လုံခြုံရေးအန္တရာယ်ကြီးပါတယ်။ Portable browser မှာ password သိမ်းပေးတာက မဆိုးဘူးဆိုပေမယ့် password manager တွေရဲ့ စနစ်ကျမှုကို မမီပါဘူး။


Password manager ထဲမှာ offline သုံးနိုင်ပြီး စွမ်းအားအကောင်းဆုံးက keepass ပါ။ www.keepass. info/download.html ဒါမှမဟုတ် www.bit.ly/ pkeepass 409 ကနေ download ချနိုင်တယ်။ www.portab leapps.com မှာလည်းရှိပါတယ်။ ကျွန်တော်သုံးဖူးသလောက်ပြောရရင် အစွမ်းထက်တဲ့ password manager ပါ။ စိတ်ချရတဲ့ password manager ပါ။ ဘဏ်အတွက် တစ်ခါသုံး password ထုတ်ပေးနိုင်တယ်။ Website အလိုက် password တွေကို drag and drop လုပ်ပြီး ထည့်နိုင်တယ်။ Autofill သုံးနိုင်တယ်။ Master password တစ်လုံးသိရုံနဲ့ Autofill သုံးနိုင်တယ်။


Master password တစ်လုံးသိရုံနဲ့ password အကန့်အသတ်မရှိ စနစ်တကျသိမ်းနိုင်ပါတယ်။ Portable အနေနဲ့ နောက်ထပ်ထွက်လာတာက last pass ပါ။ ထွက် ထားတာမကြာသေးပါဘူး။ သူ့ကိုတော့ www.bit.ly/last pass 409 ကနေ download ဆွဲချပြီး သုံးနိုင်ပါတယ်။ သူ့ရဲ့အားနည်းချက်က Firefox portable browser, Chrome portable browser တွေနဲ့ပဲ အလုပ်လုပ်တာဖြစ်ပါတယ်။


NetGuide Journal (Every Wednesday)
https://www.facebook.com/officialnetguidejournal





<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>
 







www.pyaephyo.com

0 comments:

Post a Comment