♪ “၅ မိနစ် အားသွင်းရင် ၅ နာရီအသုံးခံတဲ့ Qualcomm Quick Charge 4 Plus” ♫

No automatic alt text available.

စမတ်ဖုန်း ၊ တက်ဘလက် ဘီလီယမ်ပေါင်းများစွာမှာသုံးနေတဲ့ Snapdragon Chips များကိုဖန်တီးတဲ့ Qualcomm က Processor တင်ဖန်တီးတာမဟုတ်ပါဘူး။ ဖုန်း၊ တက်ဘလက်များကို လျင်မြန်စွာ အားသွင်းပေးနိုင်တဲ့ Quick Charge နည်းပညာကိုလည်းတီထွင်ထား ပါတယ်။

Qualcomm က Quick Charge 4 ကိုလွန်ခဲ့တဲ့ ခြောက်လ အကြာကကြေညာခဲ့ပြီး ပြီးခဲ့တဲ့ ကြာသာပတေးနေ့မှာ Quick Charge 4 Plus ကိုမိတ်ဆက်လိုက်ပါတယ်။ Quick Charge 4 ဟာ ၁၅ မိနစ် အားသွင်းရင် ၅၀ ရာခိုင်နှုန်းအားဖြည့်ပေးနိုင်ပါတယ်။ Quick Charge 4 Plus က အဲဒီထက် ၁၅ ရာခိုင်နှုန်းပိုမို မြန်ဆန်လာပြီး ၃၀ ရာခိုင်နှုန်း ပိုမိုစွမ်းရည် မြင့်မားလာပါတယ်။

၅ မိနစ် အားသွင်းရင် ၅ နာရီ အသုံးခံပါတယ်။ Quick Charge 4 Plus မှာအားသွင်းချိန်ကိုလျှော့ချ ပေးတဲ့ Dual Charge နည်းပညာလည်းပါလာပါတယ်။ Qualcomm ရဲ့ ဥာဏ်ရည်မြင့် အပူချိန် ထိန်းညှိတဲ့ နည်းပညာက အအေးမြဆုံး လမ်းကြောင်းကနေ ဖြတ်သန်းစီးဆင်းစေပြီးအဆင့်မြင့် လုံခြုံရေး စွမ်းဆောင်ချက်အသစ်က အပူလွန်ကဲခြင်း၊ USB-C Connector ကို ပျက်ဆီးစေခြင်းများအတွက် Case နဲ့ Connector ကိုတစ်ပြိုင်နက် စစ်ဆေးပေးပါတယ်။

ZTE Nubia Z17 ဟာ Quick Charge 4 Plus နည်းပညာပါတဲ့ ပထမဆုံးစမတ်ဖုန်း ဖြစ်လာပါတယ်။ Quick Charge 4 Plus ကိုစမတ်ဖုန်းများအတွက်သာမကဘဲ Adapters, Car Chargers, Portable Battery Banks, USB Hubs များမှာလည်းအသုံးပြုနိုင်ပါတယ်။ 



Mobile Guide Journal (Every Monday)
https://www.facebook.com/officialmobileguidejournal








<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>



 
 
 
 
www.pyaephyo.com

0 comments:

Post a Comment