♪ Windows 10 Backup Image File ကိုပြန်လည်ထည့်သွင်းခြင်း ♫


Windows 10 system image ဟာ ယခင်ကွန်ပျူတာမှာရှိခဲ့တဲ့ registry, application အစရှိတာတွေကို restore ပြန်လုပ်တဲ့အခါမှာ backup ပြုလုပ်စဉ်ကအတိုင်း ပြန်လည်ထည့်သွင်းသုံးစွဲနိုင်ပါတယ်။ System Image တစ်ခုကိုဖန်တီးထားခြင်းဖြင့် မိမိ Windows တစ်စုံတစ်ရာ ပြဿနာပေါ်လာတဲ့အခါမျိုးမှာ အလွယ်တကူနဲ့ အချက်အလက်တွေ မဆုံးရှုံးရအောင် ကာကွယ်ထားနိုင်မှာ ဖြစ်ပါတယ်။

Windows 10 system image တွေကို ဖန်တီးထားပေမယ့်လည်း ပြန်လည်ထည့်သွင်းတဲ့နေရာမှာ အသုံးပြုဖို့ အတွက် system repair disc ကိုလည်း ဖန်တီးထားသင့်ပါတယ်။ ဒါ့ကြောင့် Windows 10 system repair disc ကိုဖန်တီးဖို့အတွက် DVD drive နဲ့ DVD တစ်ချပ်လိုအပ်ပါမယ်။

DVD တစ်ချပ်ရပြီဆိုရင် drive ထဲထည့်ထားပြီး Control Panel ထဲကိုသွားပါ။ Control Panel ထဲကမှ System and Security အောက်မှာ Backup and Restore (Windows 7) ဆိုတာကိုနှိပ်ရပါမယ်။


ပြီးရင် Create a system repair disc ဆိုတာကိုနှိပ်လိုက်ပါ။


DVD drive ကို select လုပ်ပေးရမှာဖြစ်ပါတယ်။ Select လုပ်ပြီးရင် Create disc ဆိုတဲ့ခလုတ်ကိုနှိပ်လိုက်ပါ။
ဒါဆိုရင် Windows boot လုပ်ဖို့အတွက် repair disc တစ်ခုကို ဖန်တီးပြီးပါပြီ။ System Image တစ်ခုဖန်တီးဖို့အတွက် ဖော်ပြပါနည်းလမ်းအတိုင်းလုပ်ဆောင်ရပါမယ်။

System Image တစ်ခုဖန်တီးထားဖို့အတွက် Control Panel > System and Security ကိုသွားပါ။ ပြီးရင် Create a system image ဆိုတာကိုနှိပ်ရပါမယ်။


System Image ကိုသိမ်းဆည်းဖို့အတွက် Hard drive တစ်ခုခုကို ရွေးချယ်ပေးရပါမယ်။ ပြီးရင် Next ကိုနှိပ်ပါ။
နောက်တစ်ဆင့်ကတော့ Backup ဖိုင်လုပ်မယ့် Drive ကိုရွေးချယ်ရမှာ ဖြစ်ပါတယ်။ ဒါကြောင့် Windows 10 တင်ထားတဲ့ drive ကိုရွေးချယ်ပေးလိုက်ပါ။ ပြီးရင် Next ကိုနှိပ်ရပါမယ်။

ပြီးပြီဆိုရင် backup စတင်လုပ်ဆောင်တော့မှာမို့ Start backup ဆိုတဲ့ button ကိုနှိပ်ပြီး backup လုပ်ပါ။
အဆိုပါ backup ဖိုင်ကို restore လုပ်မယ်ဆိုရင် အောက်မှာဖော်ပြထားတဲ့အတိုင်း လုပ်ဆောင်နိုင်မှာဖြစ်ပါတယ်။

Repair disc ကို ကွန်ပျူတာ dvd drive ထဲထည့်လိုက်ပါ။ ပြီးရင် PC ကို restart လုပ်ရမှာဖြစ်ပါတယ်။
Boot တက်လာတဲ့အချိန်မှာ DVD drive ကိုစတင်ရွေးချယ်ဖို့အတွက် BIOS မှာပြင်ဆင်နိုင်သလို စက်တစ်လုံးချင်းစီအလိုက် သတ်မှတ်ထားတဲ့ key ကိုနှိပ်ပြီးလည်း First boot device ကိုရွေးချယ်နိုင်မှာဖြစ်ပါတယ်။

ပြီးရင် Troubleshoot ဆိုတာကိုရွေးပါ။ Troubleshoot ထဲကို ရောက်ပြီဆိုရင်Advanced Options ဆိုတာကိုထပ်မံရွေးပြီး System Image recovery ဆိုတာကို နှိပ်ပေးရမှာဖြစ်ပါတယ်။ နောက်ဆုံးအဆင့် ကတော့ Windows 10 icon ကိုနှိပ်ပြီး operating system ကိုရွေးချယ်ကာ backup လုပ်ထားတဲ့ image file ကိုရွေးပြီး Next ကိုနှိပ်ကာ system restore ပြုလုပ်နိုင်ပြီဖြစ်ပါတယ်။


-သီဟ
Credit to ==> Internet Journal







<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>



 
 
 
 
 www.pyaephyo.com

0 comments:

Post a Comment