♪ “Adobe Photoshop Express နဲ့ Snapseed တို့ကိုနှိုင်းယှဉ် သုံးသပ်ခြင်း” ♫

Image may contain: text

Android အတွက် Photo Editing Apps များစွာ ရှိတဲ့အထဲကမှ နာမည် အကြီးဆုံးနှစ်ခုက Adobe Photoshop Express နဲ့ Snapseed တို့ ဖြစ်ကြပါတယ်။ အဲဒီ App နှစ်ခုမှာစွမ်းဆောင်ချက်များစွာပါရှိကြပြီး အားသာချက်၊ အားနည်းချက်ကိုယ်စီရှိကြ ပါတယ်။ စာဖတ်သူရဲ့ အသုံးပြုမှုနဲ့ ကိုက်ညီတဲ့တစ်ခုကိုရွေးချယ်ဖို့အတွက် အဲဒီ App နှစ်ခုကို နှိုင်းယှဉ်ဖော်ပြပေးလိုက်ပါတယ် .....

<ဓာတ်ပုံကို Rotate ပြုလုပ်နိုင်ခြင်း>

ဓာတ်ပုံကိုမှန်ကန်သင့်တင့်တဲ့ အနေအထား (သို့) စိတ်ဝင်စားစရာ ကောင်းတဲ့ Effect များရရှိစေဖို့ Rotate ပြုလုပ်နိုင်တဲ့ စွမ်းဆောင်ချက်ကို App နှစ်ခုစလုံးမှာ ထည့်သွင်းပေးထားပါတယ်။

<ဖရိမ်များထည့်သွင်းနိုင်တဲ့ အရေအတွက်>

ဓာတ်ပုံရဲ့ဘေးဘောင်စတိုင်များထည့်သွင်းနိုင်တဲ့ အရေအတွက် အပိုင်းမှာ Adobe Photoshop Express က ပိုမိုအားသာပြီး ဖရိမ် ၃၁ ခုကို ပံ့ပိုးပေး ထားပါတယ်။ Snapseed မှာတော့ ဖရိမ် ၂၃ ခု သာပါပါတယ်။

<Filters အရေအတွက်>

Filters များက သင့်ဓာတ်ပုံများမှာခလုတ်တစ်ချက်နှိပ်ရုံဖြင့် Effects များ ထည့်သွင်းပေးနိုင်ပါတယ်။ ဥပမာအားဖြင့် Retro Films , Sketches တို့လို Filters များဖြစ်ပါတယ်။ Adobe Photoshop Express မှာ Filter ပေါင်း ၂ဝ နဲ့ Snapseed မှာတော့ Filter ပေါင်း ၂၇ ခုပါပါတယ်။ အဲဒီအတွက် ဒီအပိုင်းမှာ Snapseed က သာလွန်နေပါတယ်။

<တက်ဘလက်များမှာအသုံးပြုနိုင်ခြင်း>

စမတ်ဖုန်းများအပြင် တက်ဘလက်များမှာအသုံးပြုနိုင်ခြင်းကို ရည်ညွှန်း ပါတယ်။ App နှစ်ခုစလုံးကိုတက်ဘလက် မှာအသုံးပြုနိုင်တဲ့အတွက် ဒီအပိုင်းမှာသာတူညီမျှဖြစ်နေပါတယ်။

<အခမဲ့အသုံးပြုနိုင်ခြင်း>

Snapseed ကို အခမဲ့အသုံးပြုနိုင်ပေမယ့် Adobe Photoshop Express ကိုတော့ အခကြေးငွေဖြင့် ဝယ်ယူ အသုံးပြု ရမှာဖြစ်ပါတယ်။

<ကြော်ငြာများမပါရှိခြင်း>

Apps များမှာထည့်သွင်းထားတဲ့ ကြော်ငြာများဟာ စိတ်အနှောင့် အယှက်ဖြစ်စေသလို အသုံးပြုရတာလည်း အဆင်မချောပါဘူး။ Adobe Photoshop Express မှာ ကြော်ငြာများထည့်သွင်းထားပေမယ့် Snap-seed မှာတော့ ကြော်ငြာများ မပါပါဘူး။

<ဓာတ်ပုံရိုက်ကူးနိုင်ခြင်း>

Photo Editing App ကနေပဲ ဓာတ်ပုံရိုက်ကူးနိုင်ခြင်းကို ရည်ညွှန်းပါ တယ်။ တစ်နေရာတည်းကနေ ဓာတ်ပုံများရိုက်ကူးပြီး ပြင်ဆင်နိုင် မှာဖြစ်ပါတယ်။ ဒီစွမ်းဆောင်ချက်ကိုတော့ App နှစ်ခုစလုံးမှာ ထည့်သွင်း ပေးထားပါတယ်။

<လူမှုကွန်ရက်များမှာ တိုက်ရိုက်မျှဝေနိုင်ခြင်း>

App ကနေ ပြင်ဆင်ထားတဲ့ ဓာတ်ပုံများကိုလူမှုကွန်ရက်များမှာ တိုက်ရိုက် မျှဝေနိုင်ခြင်းကိုဆိုလိုပါတယ်။ ဒီစွမ်းဆောင် ချက်ကိုတော့ App နှစ်ခုစလုံး မှာ ထည့်သွင်းပေးထားပါတယ်။

<Tilt Shift ပါဝင်ခြင်း>

Tilt Shift ဟာ တည်နေရာတစ်ခု၊ အရာဝတ္ထုတစ်ခုကို ကလေးကစားစရာ အရုပ်ကလေးလို အရွယ်သေးမော်ဒယ်အဖြစ် ဓာတ်ပုံရိုက်ကူးပေးတဲ့ Diorama Effect ကို ဖန်တီးပေးတဲ့ နည်းပညာဖြစ်ပါတယ်။ သူက ဓာတ်ပုံမှ အစိတ်အပိုင်းတစ်ခုကို Blur ပြုလုပ်ခြင်းဖြင့် ဒီ Effect ကို ထည့်သွင်းပေးခြင်းဖြစ်ပါတယ်။ ဒီစွမ်းဆောင်ချက်ဟာ Snapseed မှာသာပါပါတယ်။

<HDR ချိ်န်ညှိမှု ပါဝင်ခြင်း>

ဓာတ်ပုံမှာ HDR စတိုင် Effect များထည့်သွင်းနိုင်ပြီး နက်မှောင်တဲ့ ဧရိယာကိုတောက်ပအောင်၊ တောက်ပတဲ့ ဧရိယာကို နက်မှောင်အောင် ဖန်တီးနိုင်ပါတယ်။ အပြင်မှာ လူ့မျက်လုံးကနေ မြင်ရတဲ့အတိုင်း သဘာဝ ကျတဲ့ ဓာတ်ပုံများကိုဖန်တီးပေးတဲ့ စွမ်းဆောင်ချက်ဖြစ်ပါတယ်။ ဒီ စွမ်းဆောင်ချက်ဟာ Snapseed မှာသာပါပါတယ်။

<Sharpening Tool ပါခြင်း>

ဓာတ်ပုံကိုရှင်းလင်းထင်ရှားစေတဲ့ စွမ်းဆောင်ချက်ဖြစ်ပြီး ဝေဝါးနေတဲ့ ဓာတ်ပုံများကို ကြည်လင်ပြတ်သားစေဖို့ အသုံးပြု နိုင်ပါတယ်။ ဒီ စွမ်းဆောင်ချက်ကိုတော့ App နှစ်ခုစလုံးမှာ အသုံးပြုနိုင်ပါတယ်။

<Captioning>

ဓာတ်ပုံများမှာစာသားများထည့်သွင်းနိုင်ခြင်းကို ရည်ညွှန်းပါတယ်။ ဒီစွမ်းဆောင်ချက်ကိုတော့ Adobe Photoshop Express မှာသာ အသုံးပြုနိုင်ပြီး Snapseed မှာမပါရှိပါဘူး။

<Contrast ကို ချိန်ညှိနိုင်ခြင်း>

Contrast ကို ချိန်ညှိခြင်းဟာ ဓာတ်ပုံရဲ့ အလင်းနဲ့ အမှောင် ဧရိယာများကို အကျိုးသက်ရောက်စေပါတယ်။ သင့်ဓာတ်ပုံ ထင်ရှား ရှင်းလင်းစေဖို့ Contrast ကိုမြှင့်တင်ခြင်းလို သင်နှစ်သက်တဲ့ အနေအထားကို ဖန်တီးနိုင် ပါတယ်။ ဒီစွမ်းဆောင်ချက်ကို App နှစ်ခုစလုံးမှာ အသုံးပြုနိုင်ပါတယ်။

<Manual White Balance ပါခြင်း>

Manual White Balance ကိုသုံးရင် Auto Mode မှာလို အစိမ်း၊ အပြာနဲ့ အနီရောင်များစူးရှခြင်းကို တားဆီးနိုင်ပြီး တိကျတဲ့ Settings ကို ရွေးချယ်နိုင်ပါတယ်။ ပန်းချီဆန်တဲ့ ဓာတ်ပုံများကိုလည်းဖန်တီးနိုင် ပါတယ်။ ဒီစွမ်းဆောင်ချက်ကို App နှစ်ခုစလုံးမှာ အသုံးပြုနိုင်ပါတယ်။

<Selective Adjustment Points များပါခြင်း>

Selective Adjustment Points များကိုအသုံးပြုခြင်းဖြင့် ဓာတ်ပုံတစ်ခုရဲ့ အစိတ်အပိုင်းတစ်ခုမှ Saturation, Brightness တို့လို Settings များကိုပြောင်းလဲနိုင်ပါတယ်။ ဒီစွမ်းဆောင်ချက်ဟာ ဓာတ်ပုံတစ်ခုလုံးကို မပြောင်းလဲချင်ဘဲ အစိတ်အပိုင်းတစ်ခုကိုသာ ပြင်ဆင်ဖို့ အသုံးဝင်ပါ တယ်။

<Saturation ကို ချိန်ညှိနိုင်ခြင်း>

Saturation ဟာ ဓာတ်ပုံရဲ့ အရောင်အသွေးစုံလင်မှုကို ဆိုလိုပါတယ်။ Saturation မပါတဲ့ ဓာတ်ပုံဟာအဖြူ၊ အမည်း ရုပ်ပုံသာ ထုတ်လုပ်ပေးနိုင် ပါတယ်။ Saturation ကို ချိန်ညှိတတ်ရင်တော့ အရောင်အသွေး စုံလင်တဲ့ ဓာတ်ပုံများကို ရနိုင်ပါတယ်။ ဒီစွမ်းဆောင်ချက်ကို App နှစ်ခုစလုံးမှာ အသုံးပြုနိုင်ပါတယ်။

<Brightness ကို ချိန်ညှိနိုင်ခြင်း>

သင့်ရဲ့ ဓာတ်ပုံဟာအလွန်တောက်ပ သို့မဟုတ် မည်းမှောင်နေရင် Brightness ကိုချိန်ညှိနိုင်ပါတယ်။ ဒီစွမ်းဆောင် ချက်ကို App နှစ်ခုစလုံး မှာ အသုံးပြုနိုင်ပါတယ်။

သူရနောင်

Mobile Guide Journal (Every Monday)
https://www.facebook.com/officialmobileguidejournal








<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>



 
 
 
 
 
www.pyaephyo.com



0 comments:

Post a Comment