♪ သင့် ကိုယ်ပိုင် ကွန်ပြူတာကို လုံခြုံစေမယ့် နည်းလမ်း (၆) ခု ♫


အင်တာနက်မှာ ကွန်ပြူတာများ Hack ခံရတဲ့ သတင်းများဟာ မကြာခဏ တွေ့နေရပါတယ်။ အနောက်နိုင်ငံများမှာ အစိုးရ အာဏာပိုင်များကတောင် သင့်ရဲ့ ကွန်ပြူတာကို သင် မသိဘဲ ထောက်လှမ်းနေကြပါတယ်။ အဲဒီအတွက် သင့်ကွန်ပြူတာကို လုံခြုံစေတဲ့ နည်းလမ်းများကို အသုံးပြုသင့်ပါတယ်။

၁။ ဆော့ဖ်ဝဲကို အမြဲ Update လုပ်ပါ။

သင့်ရဲ့ Operating System နဲ့ Programs များကို အမြဲ Update လုပ်ပေးသင့်ပါတယ်။ အထူးသဖြင့် Browser , Email Client , Antivirus Programs များကို Update လုပ်ပေးခြင်းဖြင့် လုံခြုံရေးကို တိုးမြှင့်နိုင်ပါတယ်။ Update များမှာ လုံခြုံရေး ဟာကွက်များကို ဖာထေးပေးထားပါတယ်။ ဖြစ်နိုင်ရင် Auto Update ကို သတ်မှတ်ထားသင့်ပါတယ်။

၂။ Antivirus Program ကို သုံးပါ။

သင့် ကွန်ပြူတာမှာ မဖြစ်မနေ ထည့်သွင်းထားသင့်တာက Antivirus Program ဖြစ်ပါတယ်။ Windows 10 မှာ ထည့်သွင်းထားတဲ့ Windows Defender Software ဟာ စမ်းသပ်မှုများအရ အားနည်းချက်များ ရှိနေပါတယ်။ အဲဒီအတွက် Bitdefender , AVG, Kaspersky , Norton , Avast တို့လို နာမည်ကြီး Antivirus များကို သုံးသင့်ပါတယ်။ Virus Definition များကိုလည်း အမြဲ Update လုပ်ပေးပါ။

၃။ VPN Software ကို သုံးပါ။
VPN(Virtual Private Network) Software ဟာ အင်တာနက်မှာ သင့်ကို ခြေရာဖျောက်ပေးထားနိုင်ပြီး သင့်ရဲ့ ဒေတာများကို Encrypt လုပ်ထားတဲ့အတွက် လုံခြုံစေပါတယ်။ အစိုးရများ၊ ဟက်ကာများက အင်တာနက်မှာ သင့်ကို ခြေရာခံလို့ မရအောင် သူက ကာကွယ်ပေးနိုင်သလို သင့်ရဲ့ ဒေတာများကို ကြားဖြတ် ခိုးယူလို့ မရအောင်လည်း သူက စွမ်းဆောင်ပေးပါတယ်။

၎။ သင့် ကိုယ်ပိုင် User Account ကို ဖန်တီးပါ။

သင့်မှာ ကိုယ်ပိုင် ကွန်ပြူတာ ရှိရင်တောင် သင့် ကွန်ပြူတာကို သင့် ကိုယ်ပိုင် User Account ဖြင့် အသုံးပြုသင့်ပါတယ်။ သင့် အကောင့်ကို Password ဖြင့် ကာကွယ်ထားပါ။ အဲဒါမှသာ အခြား လူတစ်ယောက်က သင့် ကွန်ပြူတာကို အသုံးပြုလို့ မရမှာ ဖြစ်ပါတယ်။ အချိန်အတိုင်းအတာ တစ်ခုရောက်ရင် အလိုလို Log Out ဖြစ်အောင်လည်း သတ်မှတ်ထားသင့်ပါတယ်။ ၀င်းဒိုးမှာ Account Settings အောက်မှ Sign-in Options မှာ သတ်မှတ်ရမှာပါ။

၅။ Click နှိပ်ရာမှာ သတိထားပါ။

သင့် ကွန်ပြူတာကို အလုံခြုံဆုံး ကာကွယ်ထားရင်တောင် သင် Permission ပေးလိုက်ရင် Malware များက သင့် ကွန်ပြူတာကို ဖျက်ဆီးနိုင်ပါတယ်။ အဲဒီလို မဖြစ်အောင် Web Links, Email Attachment , Social Media Message များကို သတိကြီးစွာဖြင့် Click လုပ်ပါ။

၆။ အွန်လိုင်း အကောင့်များကို ကာကွယ်ပါ။

သင့် Facebook အကောင့်နဲ့ Sign Up လုပ်ထားတဲ့ အွန်လိုင်း အကောင့်များကနေ ဟက်ကာများက သင့်ရဲ့ Facebook အကောင့်ကို ခိုးယူနိုင်ပါတယ်။ အဲဒီအတွက် သင့် Facebook အကောင့်နဲ့ ချိတ်ဆက်ထားတဲ့ Apps များ ၊ ၀န်ဆောင်မှုများကို ဖယ်ရှားပါ။ သင့်ရဲ့ အွန်လိုင်း အကောင့်များကို 2 Step Verification လို့ခေါ်တဲ့ လုံခြုံရေး နှစ်ထပ်ဖြင့် ကာကွယ်ပါ။




Credit to ==> DigitalTimes.com.mm






<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>



 
 
 
 
www.pyaephyo.com



0 comments:

Post a Comment