♪ Facebook အသုံးပြုသူ အမျိုးအစား လေးခု ♫


Brigham Young University မှ သုတေသနပညာရှင်များက Facebook အသုံးပြုသူ အမျိုးအစားများကို သိနိုင်ဖို့ စစ်တမ်းတစ်ခုကို ကောက်ယူခဲ့ကြပါတယ်။ သူတို့က အသက် ၁၈ နှစ်နဲ့ ၃၂ နှစ်အကြားရှိ လူ ၄၇ ယောက်အား Facebook အသုံးပြုရတဲ့ ခံစားချက်နဲ့ ပတ်သက်တဲ့ မေးခွန်းပေါင်း ၄၈ ခုကို မေးမြန်းခဲ့ကြပါတယ်။ အဲဒီ ရလဒ်များကို အခြေပြု၍ ပညာရှင်များက Facebook အသုံးပြုသူ အမျိုးအစား လေးခုကို ခွဲခြားလိုက်ပါတယ်။ စာဖတ်သူရော ဘယ်အမျိုးအစားမှာ ပါသလဲဆိုတာကို အောက်မှာ လေ့လာကြည့်ပါ။

သူငယ်ချင်း ရှာဖွေသူ

အမျိုးအစား တစ်ခုကတော့ Facebook မှာ သူငယ်ချင်း ရှာဖွေသူများ ဖြစ်ကြပါတယ်။ သူတို့က Facebook မှာ သူတို့ရဲ့ စိတ်ခံစားချက်များ၊ အတွေးများ၊ ဘ၀ဇာတ်လမ်းများကို ရိုးသားစွာ မျှဝေလေ့ရှိပါတယ်။ သူတို့ကို Relationship Builder လို့လည်း ခေါ်ကြပါတယ်။ သူတို့ဟာ သူတို့ ချစ်ခင်နှစ်သက်သူများရဲ့ ဓါတ်ပုံများကိုလည်း တစ်နေ့လျှင် ၄ ကြိမ်လောက် မျှဝေလေ့ရှိပါတယ်။ News Feed မှ ပို့စ်တိုင်းကိုလည်း သူတို့က Like, Share , Comment များ ပြုလုပ်ကြပါတယ်။

စပ်စုသူ
သူတို့ကတော့ Facebook မှာ အခြားလူများကို ချောင်းမြောင်းခြင်း၊ စပ်စုခြင်းများကို ပြုလုပ်ကြပါတယ်။ သူတို့ကို Windows Shopper လို့လည်း ခေါ်ကြပါတယ်။ သူတို့ဟာ Facebook မသုံးရင် ခေတ်မမီဘူးလို့ ယူဆကြတဲ့အတွက် သုံးကြတဲ့ လူများ ဖြစ်ပါတယ်။ သူတို့ဟာ ပို့စ်များ၊ ဓါတ်ပုံများ တင်ခြင်း နည်းပါးသလို ပရိုဖိုင် ဓါတ်ပုံကိုလည်း သိပ်မပြောင်းကြပါဘူး။ ဒါ့အပြင် အခြား လူများနဲ့လည်း ဆက်ဆံခြင်း မရှိကြပါဘူး။ သူတို့ဟာ Stalker များဖြစ်ကြပါတယ်။ အခြားလူများ အကြောင်းကိုသာ သူတို့က စပ်စုကြတဲ့ လူများဖြစ်ပါတယ်။

မျှဝေသူ
သူတို့ကတော့ Facebook မှာ သတင်းများ၊ ပို့စ်များကို မျှဝေကြတဲ့ လူများဖြစ်ပြီး သူတို့ရဲ့ ကိုယ်ရေးကိုယ်တာ ဘ၀ကို မျှဝေခြင်း မရှိကြပါဘူး။ သင်ဟာ နှစ်နှစ်လောက် အတွင်းမှာ ပရိုဖိုင် ဓါတ်ပုံ ပြောင်းလဲခြင်း မရှိပေမယ့် သတင်း၊ ပို့စ်များစွာ ကို မျှဝေထားသူများဆိုရင် သင်ဟာ ဒီအမျိုးအစားထဲမှာ ပါဝင်နေပါတယ်။ သူတို့ကလည်း Facebook မှာ သူငယ်ချင်းများ၊ မိသားစုများနဲ့ ဆက်ဆံခြင်း မရှိကြပါဘူး။ Facebook Messenger မှာလည်း သူငယ်ချင်း၊ မိသားစုများနဲ့ ဆက်သွယ်ခြင်း၊ စတစ်ကာများ၊ GIFs များ ပေးပို့ခြင်း မရှိကြပါဘူး။

Selfie တင်သူများ

နောက်ဆုံး အမျိုးအစားကတော့ Facebook မှာ Selfie ဓါတ်ပုံများ တင်သူများ ဖြစ်ပါတယ်။ သူတို့က အခြားလူများရဲ့ စိတ်ဝင်စားမှုကို ခံယူချင်ကြပြီး သူတို့ရဲ့ ပို့စ်များမှာ Like, Comment, Share များလိုချင်ကြသူများ ဖြစ်ပါတယ်။ သူတို့က သူတို့ကိုယ်သူတို့ ပရိုမိုးရှင်း ပြုလုပ်ကြသူများ ဖြစ်ပြီး Facebook ကို သူတို့ကိုယ်ပိုင် မဂ္ဂဇင်းတစ်ခုလို အသုံးပြုကြပါတယ်။




Credit to ==> DigitalTimes.com.mm






<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>



 
 
 
 
www.pyaephyo.com



0 comments:

Post a Comment