iPhone အတွက် အကောင်းဆုံး Business Apps များ


စမတ်ဖုန်းများဟာ အိတ်ဆောင် ကွန်ပြူတာငယ်လေးများလို စွမ်းရည်မြင့်မားလာကြပါပြီ။ Apple iPhone အတွက် App Store မှာ စီးပွားရေး လုပ်ငန်းသုံး Apps များစွာကို ရယူ အသုံးပြုနိုင်ပါတယ်။ အဲဒီအထဲကမှ အကောင်းဆုံး Business Apps များကို ဖော်ပြလိုက်ပါတယ်။

၁။ Microsoft Office


Microsoft က iPhone , iPad များအတွက် Office Suite ကို ဖန်တီးပေးထားပြီး Word, Excel , PowerPoint တို့ကို ဖန်တီးခြင်း၊ Edit ပြုလုပ်ခြင်းများကို ပြုလုပ်နိုင်ပါတယ်။ အစောပိုင်းတုန်းကတော့ Office 365 ၀ယ်ယူထားသူများကသာ Edit ပြုလုပ်ခြင်းလို အလုပ်များကို ပြုလုပ်နိုင်ခြင်း ဖြစ်ပေမယ့် အခုတော့ အခမဲ့ အသုံးပြုနိုင်ပါပြီ။ iPhone ကနေ ပြုလုပ်ထားတဲ့ စာရွက်စာတမ်းများကို Cloud ကနေ Sync လုပ်ပေးတဲ့အတွက် Windows PC, Mac များကနေ အသုံးပြုနိုင်ပါတယ်။ Microsoft Office ဟာ Apple iWork Suite ထက်တောင် ပိုမို ကောင်းမွန်ပါတယ်။

၂။ Adobe Acrobat Reader


အလုပ်ကိစ္စများအတွက် iPhone မှာ PDF Reader များဟာ မရှိမဖြစ် လိုအပ်ပါတယ်။ အဲဒီအထဲမှာ Adobe Acrobat Reader App က အကောင်းဆုံး ဖြစ်ပါတယ်။ သူ့ကို အခမဲ့ အသုံးပြုနိုင်ပြီး PDF ဖိုင်များကို Edit ပြုလုပ်နိုင်ပါတယ်။ သူ့ကို Adobe အကောင့်နဲ့ တွဲဖက် အသုံးပြုရင် ကွဲပြားတဲ့ ဖော်မက်များကို ပြောင်းလဲပေးခြင်းလို စွမ်းဆောင်ချက် အပိုများကို အသုံးပြုနိုင်မှာ ဖြစ်ပါတယ်။ Apple က Mail လို App အများစုမှာ PDF Reader များကို ပံ့ပိုးပေးထားပါတယ်။ ဒါပေမယ့် PDF များကို ဖန်တီးခြင်း၊ Edit လုပ်ခြင်းများအတွက် Adobe Acrobat Reader က ပိုမို အသုံးဝင်ပါတယ်။

၃။ Genius Scan


Genius Scan က ပုံနှိပ်စာရွက်စာတမ်းများကို ဖုန်းကင်မရာကနေ ဓါတ်ပုံ ရိုက်ကူးပြီး PDF ဖိုင် အဖြစ် ထုတ်လုပ်ပေးနိုင်ပါတယ်။ သူ့မှာ ကင်မရာ အနေအထား၊ ကင်မရာ မီးအလင်းရောင်တို့ကို ချိန်ညှိနိုင်ပြီး အရှင်းလင်းဆုံး PDF ဖိုင်ကို ဖန်တီးပေးနိုင်ပါတယ်။ ဖန်တီးထားတဲ့ PDF ဖိုင်ကို သူငယ်ချင်း ၊ လုပ်ဖော်ကိုင်ဖက်များထံ Messaging App , Email များကနေ ပေးပို့နိုင်သလို Dropbox, Evernote, Google Drive တို့မှာလည်း သိမ်းဆည်းနိုင်ပါတယ်။ သူ့မှာ PDF ဖိုင်များကို Tags များ၊ ခေါင်းစီးများဖြင့် သိမ်းဆည်းထားနိုင်တဲ့အတွက် ရှာဖွေရတာ လွယ်ကူပါတယ်။

၎။ Gmail


Gmail ဟာ အသုံးပြုသူ ၁ ဘီလီယမ် ရှိတဲ့ ကမ္ဘာ့ လူသုံးအများဆုံး အီးမေး ၀န်ဆောင်မှု ဖြစ်ပါတယ်။ Apple က Mail App ကို ဖန်တီးထားပေမယ့် Gmail က စွမ်းရည် ပိုမို မြင့်မားပါတယ်။ Gmail ကို အသုံးပြုခြင်းဖြင့် Docs, Calendar တို့လို Google ၀န်ဆောင်မှုများကိုပါ တွဲဖက် အသုံးပြုနိုင်မှာ ဖြစ်ပါတယ်။ Gmail မှာ Tag , Label , Category စတဲ့ စွမ်းဆောင်ချက်များလည်း ပါပါတယ်။

၅။ Slack


Slack ကို နေ့စဉ် အသုံးပြုသူ ၃ သန်းကျော်ရှိပြီး စီးပွားရေး လုပ်ငန်းများအတွက် အထူး ဖန်တီးထားတဲ့ ၀န်ဆောင်မှု ဖြစ်ပါတယ်။ Slack မှာ လုပ်ဖော်ကိုင်ဖက်များနဲ့ စကားပြောခြင်း၊ ဖိုင်များ မျှဝေခြင်းများကို ပြုလုပ်နိုင်ပါတယ်။ သင့်ရဲ့ Device အားလုံးမှာ Chat , Files များကို Sync လုပ်ပေးနိုင်ပါတယ်။ သူ့မှာ စီမံကိန်း အလိုက် Chat Group များကို ဖန်တီးထားနိုင်ပါတယ်။

၆။ Pocket



အင်တာနက်မှ သတင်း၊ ဆောင်းပါးများ၊ ဗီဒီယိုများကို Offline ကြည့်ရှုနိုင်ခြင်းဟာလည်း အလုပ်ကိစ္စများအတွက် လိုအပ်ပါတယ်။ Pocket က အဲဒီ အလုပ်များကို ပြုလုပ်ပေးနိုင်တဲ့ အခမဲ့ iOS App ဖြစ်ပါတယ်။ သူ့မှာ သိမ်းဆည်းထားတဲ့ အရာများကို သင့်ရဲ့ Device များအကြားမှာ Sync လုပ်ပေးနိုင်ပါတယ်။ သတင်း၊ ဆောင်းပါးများကို Tag များဖြင့် သိမ်းထားနိုင်တဲ့အတွက် ရှာဖွေရတာ လွယ်ကူပါတယ်။




Credit to ==> DigitalTimes.com.mm






<<<
အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။
>>>



 
 
 
 
 
www.pyaephyo.com



0 comments:

Post a Comment